ഡൽഹിയെ എറിഞ്ഞ് തകർത്ത് പ്ലേ ഓഫ് ഉറപ്പിച്ച് മുംബൈ ഇന്ത്യൻസ്; സൂര്യകുമാറും ബുംറയും സാറ്റ്നറും തിളങ്ങി

Authored by: അനുഷ ഗംഗാധരൻ|Samayam Malayalam•21 May 2025, 11:55 pm

ഇന്ത്യൻ പ്രീമിയർ ലീഗ് 2025 സീസണിൽ പ്ലേ ഓഫ് ഉറപ്പിച്ച് മുംബൈ ഇന്ത്യൻസ്. മുംബൈ വാങ്കഡെ സ്റ്റേഡിയത്തിൽ നടന്ന നിർണായക മത്സരത്തിൽ ഡൽഹി ക്യാപിറ്റൽസിനെ എറിഞ്ഞ് വീഴ്ത്തിയാണ് മുംബൈ പ്ലേ ഓഫ് ഉറപ്പിക്കുന്നത്. ഇതോടെ ഐപിഎൽ 2025 സീസണിൽ പ്ലേ ഓഫ് ഉറപ്പിക്കുന്ന നാലുടീമുകളിൽ നാലാമനായിരിക്കുകയാണ് ഹർദിക് പാണ്ഡ്യയുടെ മുംബൈ ഇന്ത്യൻസ്.
അടുത്ത സീസണിൽ വൈഭവ് ഉണ്ടാകുമോ? ദ്രാവിഡിന്റെ പ്രതികരണവും കുട്ടി താരത്തിന് വന്ന മിസ്സ്ഡ് കോളുകളുടെ എണ്ണവും ഏറ്റടുത്ത് ആരാധകർ
മത്സരത്തിൽ ടോസ് നേടിയ ഡൽഹി ക്യാപിറ്റൽസ് ആദ്യം ഫീൽഡിങ് തെരഞ്ഞെടുക്കുകയും മുംബൈ ഇന്ത്യൻസ് നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 180 റൺസ് നേടുകയും ചെയ്‌തു. എന്നാൽ മറുപടി ബാറ്റിങ്ങിന് ഇറങ്ങിയ ഡൽഹി ക്യാപിറ്റൽസിന്റെ ബാറ്റിങ്ങ് നിര ഒന്നിന് പുറകെ ഒന്ന് എന്ന രീതിയിൽ പവലിയനിലേക്ക് മടങ്ങിയതോടെ 18.2 ഓവറിൽ ഡൽഹി ക്യാപിറ്റൽസ് ഓൾ ഔട്ട് ആയി. ഇതോടെ ഐപിഎൽ 2025 സീസണിൽ നിന്ന് പുറത്തായിരിക്കുകയാണ് ഡൽഹി ക്യാപിറ്റൽസ്.

മുംബൈ ഇന്ത്യൻസിനായി ഏറ്റവും കൂടുതൽ റൺസ് നേടി തിളങ്ങിയ സൂര്യകുമാർ യാദവാണ് മുംബൈയുടെ സ്കോർ ഉയർത്താൻ നിർണായക പങ്ക് വഹിച്ചത്. . 43 പന്തിൽ 73 റൺസ് നേടിയ താരം ഐപിഎല്ലിൽ പുതു ചരിത്രം കുറിക്കുകയും ചെയ്‌തു. ഒരു സീസണിൽ തുടർച്ചയായി 11 മത്സരങ്ങളിൽ 25+ റൺസ് നേടുന്ന ആദ്യ ഇന്ത്യൻ താരം എന്ന റെക്കോഡ് ആണ് സൂര്യകുമാർ ഇന്ന് നേടിയത്. ഈ സീസണിൽ തുടർച്ചയായി 13 മത്സരങ്ങളിലാണ് ഇന്ത്യയുടെ ടി20 നായകൻ 25+ റൺസ് തികയ്ക്കുന്നത്. അതേസമയം രണ്ടാമത് ബാറ്റിങ്ങിന് ഇറങ്ങിയ ഡൽഹിയെ എറിഞ്ഞു വീഴ്ത്താൻ മുംബൈയ്ക്ക് സാധിച്ചതാണ് നിർണായക ജയത്തിലേക്ക് മുംബൈ ഇന്ത്യൻസിനെ എത്തിച്ചത്. മിച്ചൽ സാറ്റ്നറും ജസ്പ്രീത് ബുംറയും മൂന്ന് വീതം വിക്കറ്റുകൾ വീഴ്ത്തിയതോടെ ഡൽഹി തകർന്നടിഞ്ഞു. ഡൽഹിയുടെ സൂപ്പർ ബാറ്റ്സ്മാൻമാരായ കെഎൽ രാഹുലും ഫാഫ് ഡുപ്ലെസിസും സ്റ്റമ്പ്സും എല്ലാം ക്രീസിൽ ഏറെ നേരം തുടരാതെ പെട്ടന്ന് തന്നെ പവലിയനിലേക്ക് മടങ്ങിയത് മുംബൈയുടെ ജയത്തിന് ആക്കം കൂട്ടുന്നതായിരുന്നു.

മുംബൈയുടെ വിക്കറ്റ് കീപ്പർ റയാൻ റിക്കിൽട്ടൺ മിന്നൽ സ്റ്റമ്പിങ്‌ നടത്തിയതും മുംബൈയുടെ ജയത്തിൽ നിരനായകമായി. അതേസമയം മുംബൈ ഇന്ത്യൻസ് ജയിച്ചതോടെ ഐപിഎൽ 2025 പ്ലേ ഓഫ് ചിത്രം വ്യക്തമായിരിക്കുകയാണ്. ഗുജറാത്ത് ടൈറ്റൻസ്, റോയൽ ചലഞ്ചേഴ്‌സ് ബെംഗളൂരു, പഞ്ചാബ് കിങ്‌സ്, മുംബൈ ഇന്ത്യൻസ് എന്നീ ടീമുകളാണ് പ്ലേ ഓഫ് ഉറപ്പിച്ചിരിക്കുന്നത്. സീസണിൽ ഇനിയും ഈ ടീമുകളക്ക് മത്സരം ബാക്കി നിൽക്കെ ആദ്യ നാല് സ്ഥാനങ്ങൾ ഇനിയും മാറി മറയാൻ ഉണ്ട്.