ദിയയുടെ പ്രസവം എത്രവട്ടം കണ്ടെന്ന് എനിക്കറിയില്ല! അമ്മയും കുഞ്ഞും ഭാഗ്യവാന്മാർ; നമ്മളിൽ പലർക്കും കിട്ടാതെ പോയ അപൂർവ്വ ഭാഗ്യം

Authored by: ഋതു നായർ|Samayam Malayalam•9 Jul 2025, 8:44 am

നമ്മളിൽ പലർക്കും കിട്ടാതെ പോയ അപൂർവ്വ ഭാഗ്യമാണ് ദിയ കൃഷ്ണക്കും കുഞ്ഞിനും ലഭിച്ചതെന്ന് നടിയും ഡബ്ബിങ് ആർട്ടിസ്റ്റുമായ ഭാഗ്യലക്ഷ്മി . നിരവധി ആളുകൾ ആണ് ദിയക്കും കുടുംബത്തിനും ആശംസകൾ നേർന്നുകൊണ്ട് എത്തുന്നത്. ദിയയുടെ ഡെലിവറി വ്ലോഗ് ഇത് വരെ 70 ലക്ഷം ആളുകൾ ആണ് കണ്ടിരിക്കുന്നത്. കണ്ടവർ തന്നെ വീണ്ടും വീണ്ടും കാണുന്ന ഒരു അപൂർവ വീഡിയോ ആയി ഇത് മാറിയിരിക്കുന്നു എന്നാണ് അതിലെ മുഴുവൻ കമന്റുകൾ.

ഭാഗ്യലക്ഷ്മി പങ്കുവച്ച പോസ്റ്റ്

പണ്ടൊക്കെ ഒരു ഗർഭിണിയെ പ്രസവിക്കാൻ ലേബർ റൂമിലേക്ക് കൊണ്ടുപോകുമ്പോ അവൾ അനുഭവിക്കുന്ന ഒറ്റപ്പെടൽ,ഭയം. വേദന കൊണ്ട്‌ കരഞ്ഞ് നിലവിളിക്കുമ്പോ ചില നഴ്സ്മാരുടെ പരിഹാസവും, അതിലൂടെ അവൾ അനുഭവിച്ചിരുന്ന മാനസിക സംഘർഷവും അത് ആ പെണ്ണിനേ അറിയൂ. പിന്നീട് ബന്ധുക്കളെ കാണുമ്പോഴേ അവൾക്ക് ശ്വാസം നേരെയാവൂ..

ദിയയുടെ പ്രസവം ഞാൻ എത്ര പ്രാവശ്യം കണ്ടു എന്നറിയില്ല. സ്നേഹങ്ങൾക്ക് നടുവിൽ സ്നേഹിക്കുന്നവർക്ക് നടുവിൽ, കിടന്ന് പ്രസവിച്ച ദിയയും പിറന്നു വീണ ആ കുഞ്ഞും ഭാഗ്യം ചെയ്ത വരാണ്.

അമ്മയും അച്ഛനും ഭർത്താവും, സഹോദരിമാരും ചുറ്റിനും നിന്ന് ആ പെൺകുട്ടിക്ക് കൊടുത്ത ആത്മ ധൈര്യം, സ്നേഹം കണ്ട് ,കണ്ണ് നിറഞ്ഞുപോയി..നമ്മളിൽ പലർക്കും കിട്ടാതെ പോയ അപൂർവ്വ ഭാഗ്യമാണ്. അത് ഞങ്ങൾ സ്ത്രീകൾക്കേ മനസിലാവൂ.

ALSO READ: 70 ലക്ഷം! ദിയ നീ അത്ഭുതമാണ്; ഞാനും ഒരുപാട് കരഞ്ഞു നിന്റെ വേദന കണ്ടിട്ടല്ല പകരം ഓരോ നിമിഷവും നിന്നിലെ നിന്നെ കണ്ടിട്ട്

അമ്മ പെങ്ങമ്മാരെ, പെൺമക്കളെ മനസിലാവാത്തവർക്ക് അത് വെറുമൊരു പ്രക്രിയയാണ്., മകളുടെ, ഭാര്യയുടെ, ചേച്ചിയുടെ, അനിയത്തിയുടെ അങ്ങനെ എത്ര വിവിധ ഭാവങ്ങളായിരുന്നു അവിടെ നമ്മൾ കണ്ടത്. ആ കുടുംബത്തെ പ്രശംസിക്കാതിരിക്കാനാവില്ല.. സന്തോഷം കൊണ്ട് അവരുടെ കണ്ണ് നിറയുമ്പോ ഞാനും വിതുമ്പി പോയി... സന്തോഷമായിരിക്കട്ടേ അവർ എന്നും ഇതേപോലെ- ഭാഗ്യലക്ഷ്മി കുറിച്ചു.

ഇക്കഴിഞ്ഞദിവസം പേളിയും പോസ്റ്റുമായി എത്തിയിരുന്നു.

ഞാൻ കരഞ്ഞു. അവൾ അനുഭവിച്ച വേദന കാരണം മാത്രമല്ല, വേദനയുടെ ഓരോ നിമിഷത്തിലും നീ കാണിച്ച ശക്തി കണ്ടിട്ടാണ് എന്റെ കണ്ണുകൾ ധാര ധാരയായി ഒഴുകിയത്. എത്രവട്ടം കാണുന്നുവോ അത്രയും തവണ വീണ്ടും വീണ്ടും കാണാനുള്ള ഒരു മാജിക്കൽ പവർ ഉണ്ട് നിന്റെ വീഡിയോയിൽ .

നീ വേദനകൊണ്ട് വിറച്ച നിമിഷങ്ങൾ, വിറങ്ങലിച്ച ശ്വാസം, നിശബ്ദമായ കണ്ണുനീർ, ആത്മാവിന്റെ ഉള്ളിൽ എവിടെയോ നിന്ന് വന്ന നിലവിളി... പിന്നെ - ഹൃദയമിടിപ്പിന്റെ ശബ്ദം, ഒരു കുഞ്ഞി കരച്ചിൽ! ശ്വാസം പോലും നിലച്ചുപോയ നിമിഷങ്ങൾ, നിന്റെ കുഞ്ഞിനെ നീ മാറോട് ചേർക്കുന്ന ആ നിമിഷങ്ങൾ വർണ്ണിക്കാൻ വാക്കുകൾ പോരാ ദിയ എന്നാണ് പേളി കുറിച്ചത്.