ദൈവത്തിന്റെ പോരാളികൾ അഴിച്ചുപണിക്കൊരുങ്ങുന്നു; ചില താരങ്ങളെ പുറത്താക്കാൻ തീരുമാനിച്ച് മുംബൈ ഇന്ത്യൻസ്

Authored by: അനുഷ ഗംഗാധരൻ|Samayam Malayalam•5 Jul 2025, 2:32 pm

ഏവരെയും അത്ഭുത പെടുത്തുന്ന പ്രകടനമാണ് ഇന്ത്യൻ പ്രീമിയർ ലീഗ് (ഐപിഎൽ) 2025 സീസണിൽ മുംബൈ ഇന്ത്യൻസ് താരങ്ങൾ കാഴ്ചവെച്ചത്. പതിനെട്ടാം സീസണിലെ ആദ്ധ്യാ കുറച്ച് മത്സരങ്ങളിൽ മോശം പ്രകടനം തുടർന്നെങ്കിലും ഒടുവിൽ ദൈവത്തിന്റെ പോരാളികൾ ഏവരെയും ഞെട്ടിച്ച് പ്ലേ ഓഫ് ഉറപ്പിച്ചു. എന്നാൽ രണ്ടാം ക്വാളിഫയർ മത്സരം വരെയാണ് ആ യാത്ര ഉണ്ടായിരുന്നത്. പഞ്ചാബ് കിങ്‌സിനോട് പരാജയപ്പെട്ട മുംബൈ ഇന്ത്യൻസ് ഫൈനൽ കാണാതെ പുറത്തായി. ഹാർദിക് പാണ്ഡ്യയുടെ നേതൃത്വത്തിലുള്ള ടീം 14 മത്സരങ്ങളിൽ 8 എണ്ണം ജയിച്ചാണ് ആദ്യ നാലിൽ ഇടം പിടിച്ചിരുന്നത്.
ചരിത്ര നേട്ടം നേടികൊടുത്ത് സിറാജും ആകാശ് ദീപും; ഇംഗ്ലണ്ടിനെ ഈ അവസ്ഥയിലാക്കിയ ലോകത്തിലെ തന്നെ ഒരേയൊരു ടീമായി ഇന്ത്യ
നേരിയ വ്യത്യാസത്തിലാണ് ടീമിന് ഫൈനൽ പ്രവേശനം നഷ്ടമായത്. അതുകൊണ്ടുതന്നെ അടുത്ത സീസണിൽ ആറാം കിരീടം നേടാനുള്ള വാശിയോടെ മുംബൈ ഇപ്പോഴേ കരുക്കൾ നീക്കുകകയാണ്.

മുംബൈയുടെ പല താരങ്ങളെയും ടീമിൽ നിന്ന് ഒഴിവാക്കാനുള്ള സാധ്യത കൂടുതലാണ്. ഐപിഎൽ 2026ന് മുമ്പ് മുംബൈ ഇന്ത്യൻസ് പുറത്തിറക്കാൻ സാധ്യതയുള്ള 3 താരങ്ങൾ ആരൊക്കെയാണ് എന്ന് പരിശോധിക്കാം.

അർജുൻ ടെണ്ടുൽക്കർ

ഐപിഎൽ 2026 മിനി ലേലത്തിന് മുമ്പ് മുംബൈ ഇന്ത്യൻസ് പുറത്തിറക്കാൻ സാധ്യതയുള്ള താരങ്ങളിൽ ഒരാൾ അർജുൻ ടെണ്ടുൽക്കർ ആകാനുള്ള സാധ്യത കൂടുതലാണ്. 2025 ലെ ഐ‌പി‌എല്ലിൽ ഇടംകൈയ്യൻ പേസർ ബെഞ്ചിൽ തന്നെ തുടരുകയായിരുന്നു. ഇംപാക്ട് പ്ലെയേഴ്‌സിന്റെ പട്ടികയിൽ പോലും ഇടം നേടിയിരുന്നില്ല. അതുകൊണ്ടുതന്നെ ഇനിയും താരത്തെ ടീമിൽ നിലനിർത്താനുള്ള സാധ്യത കുറവാണ്.

2021ലെ ഐ‌പി‌എൽ മിനി-ലേലത്തിൽ മുംബൈയിൽ ചേർന്ന അർജുൻ 2023ൽ 4 മത്സരങ്ങളും 2024 ൽ ഒരു മത്സരവും കളിച്ചിട്ടുണ്ട്. അതേസമയം ഐപിഎല്ലിൽ ഇതുവരെ 5 മത്സരങ്ങൾ മാത്രമേ താരത്തിന് കളിക്കാൻ സാധിച്ചിട്ടുള്ളു.

റീസ് ടോപ്ലി

2025ലെ ഐ‌പി‌എൽ സീസണിൽ ആകെ ഒരു മത്സരത്തിൽ മാത്രം പ്ലേയിങ് ഇലവനിൽ ഇടം നേടിയ താരമാണ് റീസ് ടോപ്ലി. ജൂൺ 1ന് അഹമ്മദാബാദിൽ പഞ്ചാബ് കിങ്സിനെതിരെ മുംബൈയ്ക്ക് വേണ്ടി ഒരു മത്സരം മാത്രമേ അദ്ദേഹം കളിച്ചിട്ടുള്ളൂ. രണ്ടാം ക്വാളിഫയർ മത്സരമായിരുന്നു ഇത്. എന്നാൽ ലഭിച്ച അവസരവും വേണ്ട രീതിയിൽ ഉപയോഗപ്പെടുത്താൻ താരത്തിന് സാധിച്ചില്ല. ഏറ്റവും പ്രധാനപ്പെട്ട മത്സരത്തിൽ മൂന്ന് ഓവറുകളിൽ 40 റൺസ് ആണ് വിട്ടുകൊടുത്തത്. ഈ താരത്തെ നിലനിർത്താനുള്ള സാധ്യത കുറവാണ്.

ചരിത് അസലങ്ക

ഐപിഎൽ 2025 ൽ ഒരു മത്സരം പോലും കളിക്കാൻ കഴിയാതെ ചരിത് അസലങ്ക ബെഞ്ചിൽ തന്നെ തുടർന്നു. ഫ്രാഞ്ചൈസിയുടെ കൈവശം അദ്ദേഹത്തിന് കളിക്കാൻ അവസരമൊന്നുമില്ല. അടുത്ത മിനി ലേലത്തിൽ ശ്രീലങ്കൻ താരം ഉൾപ്പെട്ടേക്കാം.