'നിനക്ക് എത്ര വയസ്സായി, കണ്ടാല്‍ പറയില്ലല്ലോ...' വിഘ്നേഷ് പുത്തൂരിനെ അഭിനന്ദിക്കവെ എംഎസ് ധോണിയുടെ പരാമര്‍ശം വൈറല്‍

Authored byനിഷാദ് അമീന്‍ | Samayam Malayalam | Updated: 26 Mar 2025, 12:25 am

Samayam Malayalamവിഘ്‌നേഷ് പുത്തൂരിനെ അഭിനന്ദിക്കുന്ന സൂര്യകുമാര്‍ യാദവും മഹേന്ദ്ര സിങ് ധോണിയും

ഐപിഎല്‍ 2025ല്‍ അരങ്ങേറ്റ മല്‍സരത്തില്‍ തന്നെ തിളങ്ങിയ മുംബൈ ഇന്ത്യന്‍സിന്റെ മലയാളി താരം വിഘ്‌നേഷ് പുത്തൂരിന്റെ (Vignesh Puthur) പ്രകടനത്തിന് സാക്ഷിയായ ഇതിഹാസ ക്രിക്കറ്റര്‍ മഹേന്ദ്ര സിങ് ധോണി ഇടങ്കൈയ്യന്‍ സ്പിന്നറെ കളിക്കളത്തില്‍ വച്ച് തന്നെ അഭിനന്ദിച്ചിരുന്നു. വിഘ്‌നേഷുമായി ധോണി സംസാരിക്കുന്ന വീഡിയോ വൈറലാവുകയും ചെയ്തു. എന്താണ് ധോണി പറഞ്ഞതെന്ന് പിന്നീട് പുറത്തുവന്നു. ധോണി തന്നെ അഭിനന്ദിക്കുന്ന ദൃശ്യങ്ങള്‍ വിഷ്‌നേഷ് ഇന്‍സ്റ്റഗ്രാം അക്കൗണ്ടില്‍ പങ്കുവയ്ക്കുകയുണ്ടായി.

ചെന്നൈയിലെ എംഎ ചിദംബരം സ്റ്റേഡിയത്തില്‍ മല്‍സരം പൂര്‍ത്തിയായപ്പോള്‍ തോളില്‍ തട്ടി അഭിന്ദിക്കുന്നതിനിടെ എത്ര വയസ്സായി എന്നായിരുന്നു ധോണിയുടെ ചോദ്യം. 24 വയസ്സ് എന്ന് പറഞ്ഞപ്പോള്‍ കണ്ടാല്‍ അത്രയൊന്നും തോന്നില്ലല്ലോ എന്നും അദ്ദേഹം പ്രതികരിച്ചു. ഐപിഎല്ലിലേക്ക് എത്താന്‍ സഹായിച്ച രീതികള്‍ തന്നെ ശക്തമായി പിന്തുടരനാവും അദ്ദേഹം ഉപദേശിച്ചു.

ചെന്നൈ സൂപ്പര്‍ കിങ്‌സിന്റെ ക്യാപ്റ്റന്‍ റുതുരാജ് ഗെയ്ക്വാദ്, ശിവം ദുബെ, ദീപക് ഹൂഡ എന്നിവരുടെ വിക്കറ്റുകളാണ് വിഘ്നേഷ് നേടിയത്. ഐപിഎല്‍ അരങ്ങേറ്റത്തിലെ ആദ്യ ഓവറില്‍ തന്നെ വിക്കറ്റ് നേടുന്ന താരമെന്ന നേട്ടവും സ്വന്തമാക്കി. മല്‍സരത്തില്‍ മുംബൈ പരാജയപ്പെട്ടിരുന്നു. തുടര്‍ച്ചയായ 13-ാം വര്‍ഷവും സീസണിലെ ആദ്യ മത്സരത്തില്‍ തോല്‍ക്കാനായിരുന്നു മുംബൈയുടെ യോഗം.

https://www.instagram.com/reel/DHjQvxBsrBj/https://www.instagram.com/reel/DHjQvxBsrBj/
അവസാന ഓവറില്‍ ബാറ്റ് ചെയ്യാന്‍ വന്ന ധോണി രണ്ട് പന്തുകള്‍ നേരിട്ടു. എന്നാല്‍ സിക്സറിലൂടെ ആതിഥേയര്‍ക്ക് വേണ്ടി വിന്നിങ് ഷോട്ട് പായിച്ചത് രച്ചിന്‍ രവീന്ദ്രയാണ്. ധോണി തോളില്‍ കൈവച്ച് അഭിനന്ദിച്ചത് പുതുമുഖ താരം വിഘ്‌നേഷ് പുത്തൂര്‍ വളരെക്കാലത്തേക്ക് മറക്കില്ലെന്ന് മുന്‍ ഇന്ത്യന്‍ പരിശീലകന്‍ രവി ശാസ്ത്രി കമന്ററി ബോക്‌സില്‍ നിന്ന് പറയുന്നുണ്ടായിരുന്നു.

ഐപിഎല്‍ 2025 ഉദ്ഘടനം ചെയ്ത് ഷാരൂഖ് ഖാന്‍; മനംകവര്‍ന്ന് ശ്രേയ ഘോഷാലും ദിഷ പട്ടാനിയും
എംഐയുടെ പരിശീലന കളരിയുടെ താരമാണ് വിഘ്‌നേഷ് എന്ന് മല്‍സരം ശേഷം ടീം ക്യാപ്റ്റന്‍ സൂര്യകുമാര്‍ യാദവ് പറഞ്ഞു. മത്സരത്തിലെ നിര്‍ണായകമായ 18-ാം ഓവര്‍ വിഘ്‌നേഷിന് നല്‍കാനുള്ള തന്റെ തീരുമാനത്തെ കുറിച്ചും സൂര്യ സംസാരിച്ചു. വിഘ്‌നേഷിന് ബാക്കിയുള്ള ഒരു ഓവര്‍ താന്‍ അവസാന ഘട്ടത്തിലേക്ക് കരുതിവച്ചതാണെന്ന് സൂര്യ വ്യക്തമാക്കി.

വനിതാ ക്രിക്കറ്റ് ലോകകപ്പ് 2025 ആതിഥേയ വേദിയായി തിരുവനന്തപുരവും; ഉദ്ഘാടനം വിശാഖപട്ടണത്ത്
അണ്ടര്‍ 14, 19 കേരള ടീമുകളില്‍ കളിച്ച വിഘ്‌നേഷ് സീനിയര്‍ തലത്തില്‍ ഒരു ടി20 മത്സരം പോലും കളിച്ചിട്ടില്ല. സഞ്ജു സാംസണിന് ശേഷം കേരളത്തില്‍ നിന്ന് ദേശീയ ശ്രദ്ധ നേടുന്ന താരമായി ഉയരുകയാണദ്ദേഹം. ഐപിഎല്‍ 2025 ലേലത്തില്‍ 30 ലക്ഷം രൂപയ്ക്കാണ് എംഐ ടീമിലെടുത്തത്. മലപ്പുറം പെരിന്തല്‍മണ്ണ സ്വദേശിയാണ്.