നിൽക്കുന്നതും കുടിക്കുന്നതും ചെയ്യുന്നതും, എന്തിന് ഒരാളെ ഇഷ്ടപ്പെടുന്നത് പോലും കലയാണ്; ജീവിതം ഇങ്ങനെയാണ്, കല്യാണിയുടെ തുറന്ന കത്ത്!

Authored by: അശ്വിനി പി|Samayam Malayalam•17 May 2025, 3:37 pm

കല്യാണി പ്രിയദർശൻ ജീവിതത്തെ വളരെ മനോഹരമായ ആസ്വദിയ്ക്കുന്ന പെൺകുട്ടിയാണ്. നടിയുടെ സോഷ്യൽ മീഡിയ പോസ്റ്റുകൾ എല്ലാം അത് വ്യക്തമാക്കുന്നു. ചില ഫോട്ടോകളുടെ ആംഗിളുകൾ എല്ലാം വ്യത്യസ്തമായി തോന്നുന്നത്, കല്യാണിയുടെ കാഴ്ചപ്പാടിലെ വ്യത്യസ്തത കൊണ്ടുകൂടെയാണ്. ഇപ്പോഴിതാ ജീവിതത്തെ കുറിച്ചുള്ള തന്റെ കാഴ്ചപ്പാടിനെ കുറിച്ച് പറഞ്ഞ് എത്തിയിരിക്കുകയാണ് താരപുത്രി.

സമ്മർസ്റ്റേറ്റ് എന്ന ക്യാപ്ഷനോടെയാണ് ഒരു സെറ്റ് ഫോട്ടോകൾ കല്യാണി പങ്കുവച്ചിരിയ്ക്കുന്നത്. സമ്മറിലെ യാത്രകളെ കുറിച്ചും ഭക്ഷണത്തെ കുറിച്ചും, ചർമം സംരക്ഷിക്കുന്നതിനെ കുറിച്ചുമൊക്കെയാണ് ഓരോ ഫോട്ടോകളും. അതിൽ ഒരു തുറന്ന കത്തും കാണാം. ജീവിതം ഒരു കലയാണ് എന്നാണ് കല്യാണി പ്രിയദർശൻ പറയുന്നത്.

Also Read: 18 കൊല്ലം ഭർത്താവിനെ അടക്കി വച്ച സ്ത്രീയ്ക്കാണോ, മക്കളെ അച്ഛനിൽ നിന്ന് അകറ്റാൻ പ്രയാസം? ആർതി രവി ആരാണെന്ന് നിങ്ങൾക്കറിയാമോ; തുറന്നടിച്ച് സുചിത്ര

'എനിക്ക് തോന്നുന്നു ജീവിതത്തിൽ എല്ലാം ഒരു കലയാണ് എന്ന്. എന്താണ് നിങ്ങൾ ചെയ്യുന്നത്, എങ്ങനെയാണ് നിങ്ങൾ ഡ്രസ്സ് ചെയ്യുന്നത്, നിങ്ങളൊരാളെ ഇഷ്ടപ്പെടുന്നത്, എങ്ങനെയാണ് നിങ്ങൾ സംസാരിക്കുന്നത് എല്ലാം. നിങ്ങളുടെ ചിരിയും നിങ്ങളുടെ വ്യക്തിത്വവും. നിങ്ങളുടെ വിശ്വാസവും സ്വപ്നങ്ങളും. നിങ്ങളൊരു കപ്പ് ചായ കുടിക്കുന്നത്, നിങ്ങൾ നിങ്ങളുടെ വീട് അലങ്കരിക്കുന്നത് അല്ലെങ്കിൽ പാർട്ടി ചെയ്യുന്നത്. നിങ്ങളുടെ പലചരക്കു സാധനങ്ങളുടെ ലിസ്റ്റ്, നിങ്ങളുണ്ടാക്കുന്ന ഭക്ഷണം, നിങ്ങളൊരു പുസ്തകം എഴുതുന്നത്, ഇതെല്ലാം നിങ്ങളെങ്ങനെ അനുഭവപ്പെടുന്നു എന്നത് എല്ലാം ആർട്ട് ആണ്. അതെ ജീവിതം ഒരു കലയാണ്-' കല്യാണി എഴുതി.

Also Read: എന്റെ ഈ സ്വഭാവം ഷിയാസ് ഇക്കയ്ക്ക് ഹാന്റിൽ ചെയ്യാൻ പറ്റില്ല എന്ന് പറഞ്ഞവരിത് കാണണം; കുറ്റപ്പെടുത്തുന്നവർക്ക് ദർഫ ഷിയാസിന്റെ മറുപടി

തൃഷ കൃഷ്ണനും കീർത്തി സുരേഷും വിസ്മയ മോഹൻലാലും അടക്കം നിരവധി സെലിബ്രേറ്റികളാണ് പോസ്റ്റിന് ലൈക്ക് അടിച്ചിരിയ്ക്കുന്നത്. ഇത് ഇഷ്ടപ്പെട്ടു എന്നാണ് സമാന്ത റുത്ത് പ്രഭുവിന്റെ കമന്റ്, കണ്ണിന് കുളിർമയേകുന്ന കാഴ്ച എന്ന് പറഞ്ഞ് അഹാന കൃഷ്ണകുമാറും എത്തി. എല്ലാവർക്കും കല്യാണി മറുപടിയും നൽകിയിട്ടുണ്ട്.

കരിയറിലേക്ക് നോക്കിയാൽ, വർഷങ്ങൾക്ക് ശേഷം എന്ന സിനിമയ്ക്ക് ശേഷം കല്യാണിയുടെ പുതിയ സിനിമകളൊന്നും റിലീസ് ആയിട്ടില്ല. തമിഴിൽ ജെന്നി എന്ന ചിത്രവും മലയാളച്ചിൽ ഓടും കുതിര ചാടും കുതിര എന്ന ചിത്രവുമാണ് ഇപ്പോൾ ചെയ്തുകൊണ്ടിരിയ്ക്കുന്നത്.