പണത്തിന് വേണ്ടിയല്ല, ആത്മാർത്ഥതയാണ് കാര്യം! ആരും കൊതിക്കുന്ന വൻ ഓഫറുകൾ നിരസിച്ച ജങ്കൂക്ക്, ഫാഷൻ ലോകത്തെ സ്ഥാനം

Authored by: അശ്വിനി പി|Samayam Malayalam•3 Jul 2025, 2:29 pm

പാട്ടുകൾ കൊണ്ട് മാത്രമല്ല, തന്റെ ഫാഷൻ സെൻലസ് കൊണ്ടും ബി ടി എസ് താരം ജങ്കൂക്ക് ശ്രദ്ധേയനാണ്. ഇന്റർനാഷണൽ ലെവൽ ഫാഷൻ ഐക്കോൺ കൂടെയായ ജങ്കൂക്കിനെ കുറിച്ച് വോഗ് എഡിറ്റർ മോണിക്ക കിം എഴുതിയ "The Meaning of Jungkook : The Triumph of BTS and The Making of a Global Superstar" എന്ന പുസ്തകം ഏറെ ശ്രദ്ധ നേടിയിരുന്നു. ജങ്കൂക്കിന്റെ ഫാഷൻ സെൻസിനെ കുറിച്ചും തിരഞ്ഞെടുപ്പുകളെ കുറിച്ചും തീരുമാനങ്ങളെ കറിച്ചും കിം പുസ്തകത്തിൽ സംസാരിക്കുന്നുണ്ട്.

ഒരു കെ-പോപ്പ് ട്രെയിനിയിൽ നിന്ന് ലോകം അംഗീകരിച്ച ഒരു ട്രെൻഡ്‌സെറ്റർ എന്ന നിലയിലേക്കുള്ള ജങ്കൂക്കിന്റെ യാത്ര ആരെയും അതിശയിപ്പിക്കുന്നതായിരുന്നു. ഫാഷൻ ലോകത്ത് ജങ്കൂക്കിന് പ്രത്യേക സ്ഥാനമുണ്ട്. തങ്ങളുടെ ബ്രാന്റ് അംബാസഡർ ആക്കുന്നതിനായി നിരവധി ആളുകൾ ജങ്കൂക്കിനെ സമീപിച്ചിരുന്നതായും എന്നാൽ അദ്ദേഹം തിരഞ്ഞെടുത്തത് കാൽവിൻ ക്ലൈൻ ബ്രാന്റ് മാത്രമാണെന്നും പുസ്തകത്തിൽ പറുന്നു.

Also Read: ഓ‍ർലാന്റോ ബ്ലൂമുമായി വേർപിരിഞ്ഞതിന് ശേഷമുള്ള ആദ്യത്തെ ഷോ, വേദിയിൽ വിങ്ങിപ്പൊട്ടി കേറ്റി പെറി; കൂടെ നിന്നതിന് നന്ദി

ബിടിഎസ് താരത്തെ തങ്ങളുടെ ബ്രാൻഡ് അംബാസഡറാക്കാൻ നിരവധി ടോപ്പ്-ടയർ ആഗോള ഫാഷൻ ഹൗസുകൾ അണിയറയിൽ മത്സരിച്ചിരുന്നുവത്രെ. ഏതെങ്കിലുമൊക്കെ ബ്രാന്റുകൾ അല്ല, ലോകത്തിലെ തന്നെ ഏറ്റവും മികച്ച, നമ്പർ വൺ ബ്രാന്റുകൾ തമ്മിലാണ് മത്സരം നടന്നത്. ഞാൻ ഇന്റസ്ട്രിയിൽ കൺസൾട്ട് ആയിരിക്കുന്ന കാലത്ത്, ജങ്കൂക്കിന് വേണ്ടി മത്സരിച്ച മൂന്ന് പ്രമുഖ ബ്രാന്റുകളെ കുറിച്ച് എനിക്കറിയാം എന്ന് കിം പറയുന്നു. അതിൽ ഒന്ന് തിരഞ്ഞെടുത്തെങ്കിൽ കൂടെ ജങ്കൂക്കിന്റെ ജീവിതം സെറ്റാണ്. പണവും പ്രശസ്തിയും അംഗീകാരവും വരും. എന്നാൽ അവ മൂന്നും ജങ്കൂക്ക് തിരഞ്ഞെടുത്തിരുന്നില്ല

വന്ന ബ്രാന്റുകളിൽ തനിക്കിഷ്ടപ്പെട്ടതും താൻ ഉപഗോയിക്കുന്നതുമായ ഒരു ബ്രാന്റാണ് ജങ്കൂക്ക് തിര‍ഞ്ഞെടുത്തത്, അത് കാൽവിൻ ക്ലെയിൻ ആയിരുന്നു. 2023 ൽ ആണ് ജങ്കൂക്ക് കൽവിൻ ക്രെയിന്റെ ബ്രാന്റ് അംബാസഡർ ആയത്. അന്ന് അത് വലിയ വാർത്തയായിരുന്നു. എന്നാൽ അതിന് മുൻപേ തന്നെ അദ്ദേഹം ഉപയോഗിച്ചിരുന്നത്. ഫാഷൻ വ്യവസായം പലപ്പോഴും സെലിബ്രിറ്റി എൻഡോഴ്സ്മെന്റുകളെ വളരെയധികം ആശ്രയിക്കാറുണ്ട്, എന്നാൽ ജങ്കൂക്കിന്റെ തീരുമാനം അതിന്റെ ആത്മാർത്ഥത കാരണം വേറിട്ടുനിൽക്കുന്നു എന്നാണ് ആരാധകരുടെ അഭിപ്രായം.
ഫാഷനിലെ ജങ്കൂക്കിന്റെ സ്വാധീനം ബ്രാൻഡ് ഡീലുകളിൽ മാത്രം ഒതുങ്ങുന്നില്ല. കാഷ്വൽ സ്ട്രീറ്റ്‌വെയറായാലും, എയർപോർട്ട് ഫാഷനായാലും, റെഡ് കാർപ്പറ്റ് ലുക്കുകളായാലും, അദ്ദേഹം ധരിക്കുന്ന ഓരോ വസ്ത്രവും ഒരു ചർച്ചാ വിഷയമായി മാറാറുണ്ട്.