പന്തിൽ ചുറ്റുന്ന ഇന്ത്യൻ വേരുകൾ; ഫുട്ബോൾ ലോകകപ്പിന് ഒരുങ്ങുന്ന 3 ഇന്ത്യൻ വംശജർ

സർപ്രീത്, സിങ് ഈസ് കിങ് (ന്യൂസീലൻഡ്)

തികഞ്ഞ ഇന്ത്യക്കാരനെന്ന് എക്കാലവും വിളിക്കാവുന്ന സർപ്രീത് സിങ് (27) ആണു നിലവിൽ ലോക ഫുട്ബോൾ ഭൂപടത്തിലെ ഏറ്റവും പേരുള്ള ഇന്ത്യൻ വംശജൻ. പഞ്ചാബിൽ നിന്നു പതിറ്റാണ്ടുകൾക്കു മുൻപു ന്യൂസീലൻഡിലേക്കു കുടിയേറിയതാണു സിങ്ങിന്റെ അച്ഛനമ്മമാർ. അമ്മ സരബ്ജിത് ആയിരുന്നു സ്വപ്നങ്ങൾ യാഥാർഥ്യമാക്കാൻ കൂട്ടുനിന്നത്. 2018ൽ സീനിയർ ടീമിൽ അരങ്ങേറ്റം. 2019ൽ ഫിഫ അണ്ടർ 19 ലോകകപ്പിനുള്ള ദേശീയ ടീമിലേക്കു വിളിവന്നു. അതേവർഷം സിങ്ങിന്റെ കളിമികവു കണ്ട ജർമൻ ക്ലബ് ബയൺ മ്യുണിക് കര‍ാറൊപ്പിട്ടു. ബുന്ദസ്‍ലിഗ കളിക്കുന്ന ആദ്യ ഇന്ത്യൻ വംശജനായി സിങ് മാറി

നിഷാൻ, വേലുപ്പിള്ള ചരിതം (ഓസ്ട്രേലിയ)

ഓസ്ട്രേലിയൻ ടീമിലെ ഇരുപത്തിയഞ്ചുകാരൻ വിങ്ങർ നിഷാൻ വേലുപ്പിള്ള തമിഴ് വംശജനാണ്. ഓസ്ട്രേലിയൻ എ ലീഗിൽ മെൽബൺ വിക്ടറിക്കു വേണ്ടിയാണ് നിഷാൻ കളിക്കുന്നത്. പിതാവ് ശശിനാഥ് വേലുപ്പിള്ള ശ്രീലങ്കൻ തമിഴ് വംശജനാണെങ്കിലും വേരുകൾ തമിഴ്നാട്ടിലേക്കു നീളുന്നു. അമ്മ ജിലിയൻ വേലുപ്പിള്ള ആംഗ്ലോ ഇന്ത്യൻ പശ്ചാത്തലമുള്ളയാളും. മെൽബണിലാണു നിഷാൻ ജനിച്ചതും വളർന്നതും. 2024ൽ ദേശീയ സീനിയർ ടീമിലെത്തി.

English Summary:

Indian root players are making their people astatine the FIFA World Cup. Several footballers with Indian practice are acceptable to compete, showcasing their endowment connected the planetary signifier and highlighting the divers backgrounds of these athletes.