പുരുഷ ടീം ഉടമകളോട് ഈ ചോദ്യം ചോദിക്കൂ...: 'ആസ്‌ക് മി എനിതിങില്‍' ആരാധകന്റെ ചോദ്യത്തിന് പ്രീതി സിന്റയുടെ ശക്തമായ മറുപടി

Authored byനിഷാദ് അമീന്‍ | Samayam Malayalam | Updated: 14 May 2025, 10:22 am

ഐപിഎല്‍ 2025ലെ (IPL 2025) പഞ്ചാബ് കിങ്‌സിന്റെ (Punjab Kings) പ്രകടനവുമായി ബന്ധപ്പെട്ട് സോഷ്യല്‍ മീഡിയയില്‍ ലൈംഗികത നിറഞ്ഞതും പരിഹാസ്യവുമായ ചോദ്യം ചോദിച്ച ആരാധകനെ ക്രൂരമായി വിമര്‍ശിച്ച് പ്രീതി സിന്റ (Preity Zinta). പുരുഷ ടീം ഉടമകളോട് ഈ ചോദ്യം ചോദിക്കുമോ എന്ന് ആരാഞ്ഞ് കൊണ്ട് വിശദമായ മറുപടിയും അവര്‍ നല്‍കി. ഐപിഎല്‍ ഫ്രാഞ്ചൈസി പഞ്ചാബ് കിങ്‌സിന്റെ സഹ ഉടമയാണ് ബോളിവുഡ് താരം പ്രീതി സിന്റ.

എക്‌സ് അക്കൗണ്ടില്‍ (മുമ്പ് ട്വിറ്റര്‍) ചൊവ്വാഴ്ച പ്രീതി 'എന്നോട് ചോദിക്കുക' (Ask Me Anything) എന്ന എഎംഎ സെഷന്‍ നടത്തിയിരുന്നു. ഐപിഎല്‍ 2025 സീസണില്‍ ഗ്ലെന്‍ മാക്‌സ്വെല്‍ പൂര്‍ണ പരാജയമായിരുന്നു. മാക്‌സ്വെലിനെ നിങ്ങള്‍ വിവാഹം കഴിക്കാത്തതുകൊണ്ടാണോ അദ്ദേഹം നല്ല പ്രകടനം കാഴ്ചവയ്ക്കാത്തത് എന്നായിരുന്നു ഒരു ഫോളോവറുടെ ചോദ്യം.

ചോദ്യത്തിലെ ലൈംഗികതയും പരിഹാസ്യവുമായ സ്വരത്തെ പ്രീതി അപലപിച്ചു. സോഷ്യല്‍ മീഡിയയിലെ ലിംഗ പക്ഷപാതം അവസാനിപ്പിക്കണമെന്നും എല്ലവരും ബഹുമാനം അര്‍ഹിക്കുന്നുണ്ടെന്നും ഓര്‍മിപ്പിച്ചു.

'മാഡം, മാക്സ്വെല്‍ നിങ്ങളെ വിവാഹം കഴിക്കാത്തതുകൊണ്ടാണോ നിങ്ങളുടെ ടീമിനായി മികച്ച പ്രകടനം കാഴ്ചവയ്ക്കാത്തത്'? എന്ന ചോദ്യത്തിന് തക്കതായ മറുപടി കിട്ടിയതോടെ ഫോളോവര്‍ ട്വീറ്റ് ഡിലീറ്റ് ചെയ്തു.

ബ്രസീലിന് ആദ്യമായി വിദേശ കോച്ച്; കാര്‍ലോ ആഞ്ചലോട്ടി ഈ മാസം റയല്‍ മാഡ്രിഡ് വിടും, ലക്ഷ്യം ലോകകപ്പ്
'മറ്റു ടീമുകളിലെ പുരുഷ ടീം ഉടമകളോട് നിങ്ങള്‍ ഈ ചോദ്യം ചോദിക്കുമോ, അതോ സ്ത്രീകള്‍ക്ക് മാത്രമായി ഈ വിവേചനം സംവരണം ചെയ്തിട്ടുണ്ടോ? ക്രിക്കറ്റ് ലോകത്തേക്ക് കടക്കുന്നതുവരെ കോര്‍പറേറ്റ് സംവിധാനങ്ങളില്‍ അതിജീവിക്കാന്‍ സ്ത്രീകള്‍ക്ക് എത്രമാത്രം ബുദ്ധിമുട്ടുണ്ടെന്ന് എനിക്ക് മനസ്സിലായിരുന്നില്ല. നിങ്ങള്‍ ഇത് തമാശയായാണ് ചോദിച്ചതെന്ന് എനിക്ക് ഉറപ്പുണ്ട്. പക്ഷേ, ഒരു നിമിഷമെടുത്ത് നിങ്ങളുടെ ചോദ്യം വായിച്ച് എന്താണ് ഉദ്ദേശിക്കുന്നതെന്ന് നിങ്ങള്‍ ശരിക്കും മനസിലാക്കുമെന്ന് ഞാന്‍ പ്രതീക്ഷിക്കുന്നു. അത് അത്ര നല്ലതല്ല'- പ്രീതി സിന്റ മറുപടി നല്‍കി.

'കഴിഞ്ഞ 18 വര്‍ഷമായി വളരെ കഠിനാധ്വാനം ചെയ്താണ് എന്റെ ലക്ഷ്യങ്ങള്‍ നേടിയതെന്ന് ഞാന്‍ വിശ്വസിക്കുന്നു, അതിനാല്‍ ദയവായി എനിക്ക് അര്‍ഹമായ ബഹുമാനം നല്‍കുകയും ലിംഗ പക്ഷപാതം നിര്‍ത്തുകയും ചെയ്യുക, നന്ദി' പ്രീതി കൂട്ടിച്ചേര്‍ത്തു.

'ദയവായി അറിയുക, എന്റെ ആദരം നിങ്ങള്‍ക്കുണ്ട്... 12 വര്‍ഷങ്ങള്‍ക്ക് മുമ്പ് നല്‍കിയ സമ്മാനം അനുസ്മരിച്ച് കോഹ്ലിക്ക് സച്ചിന്റെ അഭിവാദ്യം
2008ല്‍ ആദ്യ സീസണ്‍ മുതല്‍ പഞ്ചാബ് കിങ്സിന്റെ സഹ ഉടമയായ പ്രീതി സിന്റ ഐപിഎല്ലിലെ ഏറ്റവും പരിചയസമ്പന്നരായ ക്ലബ് ഉടമകളില്‍ ഒരാളാണ്.

ഓസ്ട്രേലിയന്‍ ഓള്‍റൗണ്ടറായ ഗ്ലെന്‍ മാക്‌സ്വെല്‍ ഐപിഎല്‍ 2025ല്‍ പഞ്ചാബ് കിങ്‌സിനായി ഏഴ് മത്സരങ്ങളില്‍ നിന്ന് വെറും 48 റണ്‍സാണ് നേടിയത്. ഒരു മല്‍സരത്തില്‍ ശരാശരി എട്ട് റണ്‍സില്‍ താഴെ മാത്രം.

കഴിഞ്ഞ ഐപിഎല്ലിലും മാക്‌സ്വെല്‍ പരാജയമായിരുന്നു. 2024 സീസണില്‍ റോയല്‍ ചാലഞ്ചേഴ്‌സ് ബെംഗളൂരുവിനായി 10 മത്സരങ്ങളില്‍ നിന്ന് 52 റണ്‍സ് മാത്രമാണ് നേടിയത്.