പെട്ടന്ന് കണ്ടപ്പോൾ സുധി തന്നെ, അതേ ചിരി; കുഞ്ഞനിയനെ തോളിലിരുത്തി കിച്ചു സുധി, അമ്മ മക്കളെ അകറ്റി എന്ന് പറഞ്ഞത് ഇതാണോ?

Authored by: അശ്വിനി പി|Samayam Malayalam•7 Jul 2025, 1:05 pm

സിനിമയിലും ടെലിവിഷനിലും സ്റ്റേജുകളിലും താൻ ആഗ്രഹിച്ചതു പോലെ അവസരങ്ങൾ ലഭിച്ചുകൊണ്ടിരിയ്ക്കുന്ന സന്തോഷത്തിലായിരുന്നു കൊല്ലം സുധി , ഭാര്യയ്ക്കും മക്കൾക്കുമൊപ്പം പുതിയൊരു വീടെടുത്ത് മാറണം എന്നൊക്കെയുള്ള ആഗ്രഹങ്ങൾ‌ മനസ്സിൽ കൊണ്ടു നടക്കുന്നതിനിടെയാണ് മരണം അപ്രതീക്ഷിതമായി ആ കലാകാരനെ കൊണ്ടുപോയത്. ആദ്യ ബന്ധത്തിൽ ജനിച്ച കിച്ചുവിനെയും, രണ്ടര വയസ്സ് മാത്രം പ്രായമുണ്ടായിരുന്ന ഇളയമകനെയും, ജോലിയോ വരുമാനമോ ഇല്ലാത്ത ഭാര്യ രേണുവിനെയും ഓർത്ത് കേരളക്കരയും വിഷമിച്ചു

അവസാനം സുധി ആഗ്രഹിച്ചതുപോലെ ഫ്ളവേഴ്സ് ടിവി മുൻകൈ എടുത്ത് സുധിയുടെ ഭാര്യയ്ക്കും മക്കൾക്കും ഒരു വീടെടുത്ത് നൽകി. കിച്ചു ഇപ്പോൾ കൊല്ലത്തുള്ള സുധിയുടെ വീട്ടിൽ നിന്ന് പഠിക്കുകയാണ്. പോക്ക് വരവിനുള്ള സൗകര്യത്തിനാണ് അവിടേക്ക് താമസം മാറിയത്. കോട്ടയത്തുള്ള വീട്ടിൽ രേണുവും ഇളയമകനുമാണ് ഉള്ളത്. അതിനിടയിൽ രേണു മൂത്ത മകനെ വീട്ടിൽ നിന്ന് പുറത്താക്കിയതാണെന്നും, അമ്മയുമാി കിച്ചു പിരിഞ്ഞു എന്നുമൊക്കെയുള്ള ഗോസിപ്പുകൾ വന്നിരുന്നു.

Also Read: അതിനെ കുറിച്ച് പറഞ്ഞാൽ ഞാൻ ഇമോഷണലാവും, ഇതിനൊക്കെ തിരിച്ചെന്ത് ചെയ്യും എന്നെനിക്കറിയില്ല; മീന പറയുന്നു

എന്നാൽ അതെല്ലാം വെറും ഗോസിപ്പുകൾ മാത്രം, അമ്മയെയും അനിയെയും കിച്ചു ഇന്നും ചേർത്തു നിർത്തുന്നു എന്ന് ഏറ്റവുമൊടുവിൽ പങ്കുവച്ച ഫോട്ടോകളിൽ നിന്നും മനസ്സിലാക്കാൻ സാധിക്കും. അനിയെ തോളിലിരുത്തി എടുത്ത, സന്തോഷം നിറഞ്ഞ ഏതാനും ഫോട്ടോകളാണ് കിച്ചു തന്റെ ഇൻസ്റ്റഗ്രാമിലൂടെ പങ്കുവച്ചിരിയ്ക്കുന്നത്. അമ്മയുടെ പൊന്നുമക്കൾ എന്ന് പറഞ്ഞ്, ഹൃദയത്തിന്റെ ഇമോജിയോടെ കമന്റിൽ രേണു സുധിയും എത്തി. ഒറ്റ നോട്ടത്തിൽ അച്ഛനെ പോലെ തന്നെ, സുധിയുടെ അതേ ചിരി എന്നൊക്കെയുള്ള കമന്റുകളാണ് ആരാധകരുടെ ഭാഗത്തു നിന്നും വരുന്നത്.


സുധിയുടെ മരണത്തിന് ശേഷം, ഇപ്പോഴും പല തരത്തിലുള്ള സൈബർ അറ്റാക്ക് നേരിട്ടുകൊണ്ടിരിയ്ക്കുകയാണ് രേണു. ഭർത്താവിന്റെ പ്രശസ്തിയിലൂടെ തന്നിലേക്ക് എത്തിയ അഭിനയം ലോകത്തേക്ക് എത്തിയിരിക്കുകയാണ് രേണു. അതുമായി ബന്ധപ്പെടട് വീഡിയോകളും ഫോട്ടോഷൂട്ട് ചിത്രങ്ങളും എല്ലാം വിമർശനങ്ങൾക്ക് ശക്തി കൂട്ടിയിരുന്നു. എനിക്കും മക്കൾക്കും ജീവിക്കണം, അതിന് അഭിനയം ഒരു തൊഴിലായി കണ്ട് തിരഞ്ഞെടുത്തതാണ്, കുറ്റം പറയുന്നവർക്ക് അത് തുടരാം എന്നാണ് രേണു സുധി വിമർശകരോട് പറഞ്ഞത്. സുധിയേട്ടൻ ഇല്ലെങ്കിലും കിച്ചു തന്നെയാണ് എന്നും തന്റെ മൂത്ത മകൻ എന്നും രേണു ആവർത്തിച്ച് പറയാറുണ്ട്.