പ്ലേ ഓഫിലേക്കെത്താൻ ഡൽഹി; സീസണിൽ നിന്ന് പുറത്താകാതെ പിടിച്ചു നിൽക്കാൻ ഹൈദരാബാദ് ; ഇരു ടീമുകളും നേരിടുന്ന വെല്ലുവിളികൾ

Edited byഅനുഷ ഗംഗാധരൻ | Samayam Malayalam | Updated: 5 May 2025, 1:04 pm

ഇന്ത്യൻ പ്രീമിയർ ലീഗ് 2025 സീസണിൽ ഇന്ന് സൺറൈസേഴ്‌ ഹൈദരാബാദും ഡൽഹി ക്യാപിറ്റലും ഏറ്റുമുട്ടുകയാണ്. ഹൈദരബാദിന്റെ ഹോം ഗ്രൗണ്ടിൽ നടക്കുന്ന മത്സരം രാത്രി 7.30ന് ആണ്. ഇരു ടീമുകൾക്കും നിർണായകമാണ് ഈ മത്സരം. പോയിന്റ് പട്ടികയിൽ ഒൻപതാം സ്ഥാനത്താണെങ്കിലും ഇതുവരെ സൺറൈസേഴ്‌സ് ഹൈദരാബാദ് ഐപിഎൽ 2025 പ്ലേ ഓഫ് സാധ്യതയിൽ നിന്ന് പുറത്തായിട്ടില്ല.
ജസ്പ്രീത് ബുംറയ്ക്ക് ടെസ്റ്റ് ടീം വൈസ് ക്യാപ്റ്റൻ സ്ഥാനം നഷ്ടമായേക്കും; കാരണം വെളിപ്പെടുത്തി ബിസിസിഐഎന്നാൽ ഡൽഹി ക്യാപിറ്റൽസ് പോയിന്റ് പട്ടികയിൽ അഞ്ചാം സ്ഥാനത്താണ്. പോയിന്റ് പട്ടികയിലെ 3 , 4 സ്ഥാനങ്ങളിൽ യഥാക്രമം തുടരുന്ന മുംബൈ ഇന്ത്യൻസും ഗുജറാത്ത് ടൈറ്റൻസും ആയി രണ്ട് പോയിന്റിന്റെ വ്യത്യാസമാണ് ഡൽഹിക്കുള്ളത്. ഇന്ന് നടക്കുന്ന മത്സരത്തിൽ ഉയർന്ന റൺ റേറ്റ് നേടി ജയിക്കാൻ സാധിച്ചാൽ ഐപിഎൽ 2025 പോയിന്റ് ടേബിളിൽ മൂന്നാം സ്ഥാനത്തേക്ക് ഉയരാൻ ഡൽഹി ക്യാപിറ്റൽസിന് സാധിക്കും.
ഇരുടീമുകൾക്കും നിർണായകമായ ഈ മത്സരത്തിൽ ടീമുകൾ നേരിടുന്ന പ്രധാന വെല്ലുവിളിയും പ്ലേയിങ് ഇലവൻ സാധ്യതയും പരിശോധിക്കാം.

സൺറൈസേഴ്‌സ് ഹൈദരാബാദ് നേരിടുന്ന വെല്ലുവിളികൾ

ഐപിഎൽ 2025 സീസണിൽ ഇനി നാല് മത്സരങ്ങളാണ് സൺറൈസേഴ്‌സ് ഹൈദരാബാദിന് ബാക്കിയുള്ളത്. നിലവിൽ ഈ സീസണിൽ കളിച്ച 10 മത്സരങ്ങളിൽ 3 ജയം സ്വന്തമാക്കി 6 പോയിന്റ് ആണ് ഹൈദരാബാദ് നേടിയിരിക്കുന്നത്. ഇനിയുള്ള നാല് മത്സരങ്ങളിൽ ഒന്നിൽ പോലും പരാജയപെടാതെ ജയം സ്വന്തമാക്കിയാൽ 14 പോയിന്റ് സീസണിൽ നേടാം.

പക്ഷെ നിലവിൽ ആദ്യ നാല് സ്ഥാനത്ത് തുടരുന്ന ടീമുകൾ യഥാക്രമം 16 , 15 , 14 , 14 എന്നിങ്ങനെയാണ് പോയിന്റ് നേടിയിരിക്കുന്നത്. ഈ ടീമുകൾക്ക് ഇനിയും മത്സരങ്ങൾ ബാക്കിയാണ്. നെറ്റ് റൺ റേറ്റും ഉയർന്നു നിൽക്കുകയാണ്. അതുകൊണ്ട് തന്നെ പ്ലേ ഓഫിലേക്ക് എത്താനുള്ള സാധ്യത വിരളമാണ്. പക്ഷെ ഇനിയുള്ള മത്സരങ്ങളിൽ ഒന്നുപോലും പരാജപ്പെടാതെ ജയം നേടാൻ ഹൈദ്രബാദ് ശ്രമിക്കും.

ഡൽഹി ക്യാപ്റ്റൽസ് നേരിടുന്ന വെല്ലുവിളികൾ

ഐപിഎൽ 2025 സീസണിൽ ഏവരെയും ഞെട്ടിച്ച് പോയിന്റ് പട്ടികയിൽ ഒന്നാം സ്ഥാനത്ത് തുടർന്നിരുന്ന ടീം ആണ് ഡൽഹി ക്യാപിറ്റൽസ്. എന്നാൽ സീസൺ അതിന്റെ ഏറ്റവും നിർണായക ഘട്ടത്തിലേക്ക് എത്തിയപ്പോൾ ഡൽഹി ക്യാപിറ്റൽസിന്റെ കാലിടറി.

തുടർച്ചയായ അവസാന രണ്ട് പരാജയങ്ങൾ ടീമിനെ അഞ്ചാം സ്ഥാനത്തെത്തിച്ചു. ഇന്ന് നടക്കുന്ന മത്സരത്തിൽ ഉയർന്ന റൺ റേറ്റിൽ ജയം സ്വന്തമാക്കിയാൽ പോയിന്റ് പട്ടികയിൽ 14 പോയിന്റ് സ്വന്തമാക്കാൻ സാധിക്കും. ഈ മത്സരത്തിൽ ലഭിക്കുന്ന റൺസ് റേറ്റ് അടിസ്ഥാനത്തിൽ പോയിന്റ് പട്ടികയിൽ മൂന്നാം സ്ഥാനത്തേക്കോ നാലാം സ്ഥാനത്തേക്കോ ഉയരാൻ സാധിക്കും.

എസ്ആർഎച്ച് - ഡിസി പിച്ച് റിപ്പോർട്

ഹൈദരാബാദിലെ രാജീവ് ഗാന്ധി ഇന്റർനാഷണൽ സ്റ്റേഡിയത്തിലാണ് ഇന്ന് എസ്ആർഎച്ച് - ഡിസി മത്സരം നടക്കുന്നത്. ഈ പിച്ച് ബാറ്റ്സ്മാൻമാർക്ക് ഏറെ അനുകൂലമാണ്. ശരാശരി സ്കോറിങ് നിരക്ക് 11.28 ആയതിനാൽ, ടീമുകൾക്ക് ഉയർന്ന സ്കോർ നേടാൻ സാധിക്കും. പവർ പ്ലേയിൽ ബാറ്റ്സ്മാന് ഉയർന്ന റൺ നേടാൻ സാധിക്കുന്ന പിച്ച് കൂടിയാണ് ഇത്. അതേസമയം ഇതുവരെയുള്ള മത്സരഫലങ്ങൾ നോക്കുമ്പോൾ ടോസ് നേടുന്ന ടീം ആദ്യം ഫീൽഡിങ് തിരഞ്ഞെടുക്കാൻ ആണ് സാധ്യത കൂടുതൽ.

സൺറൈസേഴ്സ് ഹൈദരാബാദ് സാധ്യത പ്ലേയിങ് 11

അഭിഷേക് ശർമ്മ, ഇഷാൻ കിഷൻ, ഹെൻറിച്ച് ക്ലാസെൻ(w), അനികേത് വർമ, കമിന്ദു മെന്ഡിസ്, നിതീഷ് കുമാർ റെഡ്ഡി, പാറ്റ് കമ്മിൻസ്(c), ഹർഷൽ പട്ടേൽ, ജയ്ദേവ് ഉനദ്കട്ട്, സീഷൻ അൻസാരി, മുഹമ്മദ് ഷമി.

ഇംപാക്ട് പ്ലേയർ: ട്രാവിസ് ഹെഡ്

ഡൽഹി തലസ്ഥാനങ്ങൾ സാധ്യത പ്ലേയിങ് 11

ഫാഫ് ഡു പ്ലെസിസ്, അഭിഷേക് പോറെൽ(w), കരുണ് നായർ, കെ എൽ രാഹുൽ, അക്സർ പട്ടേൽ(c), ട്രിസ്റ്റൻ സ്റ്റബ്സ്, വിപ്രജ് നിഗം, മിച്ചൽ സ്റ്റാർക്ക്, കുൽദീപ് യാദവ്, ദുഷ്മന്ത ചമീര, മുകേഷ് കുമാർ.

ഇംപാക്ട് പ്ലേയർ: അശുതോഷ് ശർമ്മ