മുൻ ഭാര്യയുടെ ധൂർത്ത്, മക്കൾക്ക് വേണ്ടി കിം കർദാഷിയാൻ അമിതമായ പണം ചെലവാക്കുന്നു എന്ന ആരോപണവുമായി റാപ്പൻ കാനി വെസ്റ്റ്

Authored by: അശ്വിനി പി|Samayam Malayalam•15 Jul 2025, 2:18 pm

റാപ്പർ കാനി വെസ്റ്റ് തന്റെ മുൻ ഭാര്യയായ കിം കർദാഷിയാനെതിരെ വീണ്ടും രംഗത്തെത്തി. മകൾ നോർത്തിന് വേണ്ടി കിം അമിതമായി പണം ചെലവഴിച്ചുവെന്ന് ആരോപിച്ചാണ് കാനി രോഷം പ്രകടിപ്പിച്ചത്. ഗായകൻ സാമ്പത്തികമായി തകർന്നുകൊണ്ടിരിക്കുകായാണ്ന്നു എന്നുള്ള ഗോസിപ്പുകൾതക്കിട കിം കർദാഷിയാനെതിരെയുള്ള ഗോസിപ്പുകൾക്കിടെയാണ് 'ഗോൾഡ് ഡിഗ്ഗർ' ഗായകൻ്റെ ഈ പ്രകോപനം.

പിരിഞ്ഞതിനുശേഷം കുട്ടികളുടെ കാര്യത്തിൽ താരദമ്പതികൾ തമ്മിൽ പലപ്പോഴും തർക്കങ്ങൾ ഉണ്ടാകാറുണ്ട്. സാമ്പത്തികമായി കിം കർദാഷിയാനുമായി മത്സരിക്കാൻ കാനി വെസ്റ്റിന് കഴിയില്ലെന്ന് മാധ്യമങ്ങൾ റിപ്പോർട്ട് ചെയ്തിരുന്നു. ഇത് അദ്ദേഹത്തിന്റെ അഹങ്കാരത്തിനേറ്റ തിരിച്ചടിയാണെന്നും റിപ്പോർട്ടുകൾ പറയുന്നു.

മൂത്ത മകളും ഗായികയുമായ നോർത്ത് വെസ്റ്റിന് 13 വയസ്സ് തികഞ്ഞപ്പോൾ കിം വളരെ വിലയേറിയ ഒരു ജന്മദിന പാർട്ടി ഒരുക്കിയിരുന്നു. നാല് കുട്ടികളുടെ അമ്മയായ കിം, നോർത്തിനായി വിലയേറിയ സമ്മാനങ്ങളും ഒരു ഇലക്ട്രിക് കാറും വാങ്ങി നൽകി. കൂടാതെ ആഘോഷങ്ങൾക്കായി ഒരു യാട്ട് ബുക്ക് ചെയ്യുകയും ചെയ്തിരുന്നു. ഇതെല്ലാം റാപ്പറായ കാനി വെസ്റ്റിനെ കൂടുതൽ പ്രകോപിപ്പിച്ചു.

Also Read: കല്യാണത്തിനോട് താത്പര്യമില്ല! പ്രണയിക്കാൻ തയ്യാറാണ്, ലിവിങ് റിലേഷൻഷിപ്പും ഓകെയാണ് എന്ന് പറഞ്ഞ മൂന്ന് നായികമാർ

മക്കളുടെ സംരക്ഷണത്തെ ചൊല്ലിയുള്ള കാനി വെസ്റ്റിന്റെയും കിം കർദാഷിയാന്റെയും വഴക്ക് വർഷങ്ങളായി തുടർന്ന് വരുന്നതാണ്. പുതിയ റിപ്പോർട്ടുകൾ പ്രകാരം, നിയമപോരാട്ടത്തിനുള്ള ഭീമമായ തുക താങ്ങാൻ കഴിയാത്തതിനാൽ കാനി വെസ്റ്റിന് മുൻ ഭാര്യയുമായി പ്രശ്‌നങ്ങൾ ഒത്തുതീർപ്പാക്കാൻ താൽപ്പര്യമുണ്ടെന്ന് അടുത്ത വൃത്തങ്ങൾ സൂചിപ്പിച്ചു.

വലിയ സ്പോൺസർഷിപ്പുകൾ നഷ്ടപ്പെട്ടതും വൻ തുകയ്ക്ക് കരാറ് ചെയ്ത അഡിഡാസുമായുള്ള ബന്ധം നഷ്ടപ്പെട്ടതുമാവാം റാപ്പറിന്റെ വരുമാനം കുറയാനുള്ള കാരമം. കൂടാതെ, കഴിഞ്ഞ കുറച്ച് വർഷങ്ങളായി കാനി വെസ്റ്റിന്റെ ബിസിനസുകൾക്ക് വലിയ തിരിച്ചടികൾ നേരിട്ടിരുന്നു. 'ഹാർട്ട്ലെസ്' എന്ന റാപ്പറുടെ ആസ്തി 1.5 ബില്യൺ യുഎസ് ഡോളറിൽ നിന്ന് 400 മില്യൺ യുഎസ് ഡോളറായി കുറഞ്ഞതും വാർത്തകൾ വന്നിരുന്നു.

കിം കർദാഷിയാൻ മകൾക്ക് വേണ്ടി അമിതമായി പണം ചെലവഴിക്കുന്നതാണ് വെസ്റ്റിനെ ചൊടിപ്പിച്ചത്. നാളയെ കുറിച്ച് ചിന്തിക്കാതെ കിം പണം ധൂർത്തടിക്കുകയാണത്രെ. മകളുടെ പതിമൂന്നാം പിറന്നാൾ ആഘോഷങ്ങൾക്കായി കിം ലക്ഷക്കണക്കിന് ഡോളർ പൊടിച്ചു. നോർത്തിനെയും അവളുടെ കൂട്ടുകാരെയും ഒരു സ്വകാര്യ വിമാനത്തിൽ മെക്സിക്കോയിൽ എത്തിച്ചു. എല്ലാത്തിലും മികച്ചത് വേണം എന്നത് കിമ്മിന് നിർബന്ധമാണ്.

കാനിക്ക് കിമ്മിന്റെ സാമ്പത്തിക നിലയ്ക്കൊപ്പം എത്താൻ കഴിയുന്നില്ല. അത് ഗായകനെ കൂടുതൽ ഭ്രാന്തമാക്കുന്നു എന്ന തരത്തിലാണ് റിപ്പോർട്ടുകൾ. നോർത്തിന് അവളുടെ അച്ഛനെ ഇഷ്ടമാണെങ്കിലും, അമ്മയാണ് കൂടുതൽ മികച്ചതും ധനികയെന്നും അവൾ കരുതുന്നു. അതാണ് കാനി വെസ്റ്റ് അത്രയും വിഷമിക്കാനും അസൂയപ്പെടാനും കാരണം. എട്ട് വർഷത്തെ ദാമ്പത്യത്തിന് ശേഷം 2022-ലാണ് കിം കർദാഷിയാനും കാനി വെസ്റ്റും വേർപിരിഞ്ഞത്. ഇവർക്ക് നാല് കുട്ടികളുണ്ട്.