മോഹൻലാലിന്റെ 365-ആം സിനിമ! സൂക്ഷിച്ചു നോക്കിക്കേ, ആ പോസ്റ്ററിൽ എന്തൊക്കെയാണ് ഉള്ളത്? അടുത്ത 100 കോടി ഉറപ്പിക്കാമോ?

Authored by: അശ്വിനി പി|Samayam Malayalam•8 Jul 2025, 4:55 pm

ലൂസിഫർ, തുടരും എന്നീ ചിത്രങ്ങളിലൂടെ മോഹൻലാലിന്റെ തിരിച്ചുവരവ് ശരിക്കും കേരളക്കര ആഘോഷിക്കുകയാമ്യ. റെക്കോഡുകൾ തിരുത്തിയെഴുതിക്കൊണ്ട തുടരും നേടിയ വിജയാഘോഷത്തിന്റെ അലയൊലി ഇപ്പോഴും അടങ്ങിയിട്ടില്ല. ഇനി മഹേഷ് നാരായണൻ സംവിധാനം ചെയ്യുന്ന പേട്രിയേറ്റ് എന്ന ചിത്രമാണ് വരാൻ പോകുന്നത്. മോഹൻലാലും മമ്മൂട്ടിയും ഒരുമിച്ചെത്തുന്ന ചിത്രത്തിന് വേണ്ടി ആരാധകരും അക്ഷമരായി കാത്തിരിക്കവെ, ഇതാ മോഹൻലാൽ തന്റെ അടുത്ത സിനിമ പ്രഖ്യാപിച്ചിരിയ്ക്കുന്നു.

L 365 എന്ന് താത്കാലികമായി പേരിട്ടിരിയ്ക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററിനൊപ്പമാണ് മോഹൻലാൽ പുതിയ സിനിമ പ്രഖ്യാപിച്ചത്. നവാഗതനായ അസറ്റിൻ ഡാൻ തോമസ് ആണ് ചിത്രം സംവിധാനം ചെയ്യുന്നത്. വളരെ അധികം സന്തോഷത്തോടെ എന്റെ അടുത്ത ചിത്രം പ്രഖ്യാപിയ്ക്കുന്നു. രതീഷ് രവി തിരക്കഥ എഴുതി അസ്റ്റിൻ ഡാൻ തോമസ് സംവിധാനം ചെയ്യുന്ന ചിത്രം. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ നിർമിയ്ക്കുന്ന ഈ സിനിമയുടെ ഭാഗമാകാൻ കഴിയുന്നതിൽ സന്തോഷമുണ്ടെന്നാണ് മോഹൻലാലിന്റെ പോസ്റ്റ്.

Also Read: ഇനിയുള്ള ജീവിതം നിന്നോടൊപ്പം ജീവിക്കുന്നതിനെക്കാൾ വലിയ സന്തോഷം എനിക്ക് മറ്റൊന്നില്ല; അച്ഛന് മുന്നിൽ മകളെ പ്രപ്പോസ് ചെയ്ത് സിഡ് വിൽസൺ

മിനിറ്റുകൾക്ക് മുൻപ് പോസ്റ്റ് ചെയ്ത പോസ്റ്ററിന് ഗംഭീര സ്വീകരണാണ് സോഷ്യൽ മീഡിയയിൽ ലഭിയ്ക്കുന്നത്. പോസ്റ്ററിൽ ഒളിപ്പിച്ചുവച്ച ചിലതൊക്കെ കണ്ടുപിടിക്കാനുള്ള ആവേശമാണ് ആരാധകർക്ക്. ഒരു പൊലീസ് സ്റ്റേഷന്റെ ഹാന്റ് വാഷ് ഏരിയയാണ് പോസ്റ്ററിൽ കാണിച്ചിരിയ്ക്കുന്നത്. സമീപത്ത് ഒരു പൊലീസ് ഷർട്ട് തൂക്കിയിട്ടത് കാണാം. മിററിൽ ആണ് L365 എന്ന് എഴുതിയിരിക്കുന്നത്. അത് റോഡ് ആണ് എന്നും, അതിൽ രക്ത കറ പുരണ്ടിരിക്കുന്നതായും കാണാം എന്ന് ആരാധകർ കണ്ടെത്തുന്നു.


ഇതും ഒരു നൂറ് കോടി ഉറപ്പിച്ചോളൂ എന്നാണ് ആരാധകരുടെ പ്രൊഡക്ഷൻ. സിനിമയിൽ മോഹൻലാൽ ഒരു ആക്ഷൻ പൊലീസ് ഓഫീസറായിട്ടാണോ എത്തുന്നത്, കോമഡിയാണോ എന്നൊക്കെയാണ് ആരാധകർക്ക് അറിയേണ്ടത്. എന്തായാലും മോഹൻലാൽ നവാഗതകർക്ക് അവസരം നൽകുന്നില്ല എന്ന പരാതി പറച്ചിൽ ഇതോടെ അവസാനിപ്പിക്കണം എന്ന് ചിലർ വാണിങ് നൽകുന്നുണ്ട്. നൂറിൽ നിന്ന് എണ്ണി തുടങ്ങിയാൽ മതി, തിരക്കഥ തിരഞ്ഞെടുപ്പിൽ മോഹൻലാൽ പഴയ ഫോമിൽ എത്തിയിരിക്കുന്നു എന്നിങ്ങനെയാണ് മറ്റ് കമന്റുകൾ. ചിത്രത്തിൽ ലാലിനൊപ്പം ആരൊക്കെയാവും എത്തുന്നത് എന്നറിയാനുള്ള എക്സൈറ്റ്മെന്റും ആരാധകർക്കുണ്ട്.