യുകെയിൽ പോയത് ബേബിയുടെ ജെൻഡർ അറിയാൻ ആയിരുന്നോ; ഉണ്ണിക്കണ്ണന്റെ ചിത്രം കൊത്തിവച്ച മെഹന്ദി കാഴ്ചകൾ; ദിയയോട് ഫാൻസ്‌

Authored by: ഋതു നായർ|Samayam Malayalam•19 May 2025, 6:37 pm

ഒരായിരം നെഗറ്റീവ് കമന്റ്സുകൾ ദിയ കൃഷ്ണക്ക് ലഭിച്ചാലും ലക്ഷകണക്കിന് ആളുകളുടെ സ്‌നേഹം ഉണ്ട് താരപുത്രിക്ക്. കൃഷ്ണകുമാറിന്റെ നാല് മക്കളില്‍ ഇപ്പോള്‍ സോഷ്യല്‍ മീഡിയ പ്രേമികള്‍ക്ക് ഏറ്റവും പ്രിയപ്പെട്ടത് ദിയ കൃഷ്ണ ആണെന്ന് സംശയമില്ലാതെ പറയാൻ ആകും. എന്തെന്നാല്‍, അത്രയേറെ ലൈവാണ് താരം. ഓരോ ദിവസവും തന്റെയും കുടുംബത്തിന്റെയും ബിസിനസ്സിന്റെയും എല്ലാം വിശേഷങ്ങള്‍ പങ്കുവച്ച് ദിയ എത്തും. ഗര്‍ഭിണിയാണ് എന്നത് കൊണ്ട് മടിപിടിച്ചിരിയ്ക്കുകയോ, വയ്യാതെയിരിക്കുകയോ അല്ല.

എത്രത്തോളം ആക്ടീവ് ആകാന്‍ സാധിക്കുമോ അത്രയും ആക്ടീവായി, അത് തന്റെ ഫോളോവേഴ്‌സിനും പ്രചോദനമാവും വിധം മാറ്റുകയാണ് ദിയ കൃഷ്ണ. തുടരെയുള്ള ബ്രേക്കപ്പുകൾ തന്റെ ജീവിതത്തിൽ ഉണ്ടായപ്പോൾ ബിസിനസിലേക്ക് ചുവട് വച്ചപ്പോൾ ആണ് ദിയക്ക് കൂട്ടായി അശ്വിൻ എത്തുന്നത്. ആത്മാർത്ഥ സുഹൃത്തുക്കൾ പോലും തന്റെ ജീവിതത്തിൽ ചില കാട്ടി കൂട്ടലുകൾ നടത്തിയപ്പോൾ ഒക്കെയും വിശ്വസ്തൻ ആയ സുഹൃത്തായി അശ്വിൻ ദിയക്ക് ഒപ്പം തന്നെ നിന്നു. അശ്വിനോടുള്ള ആ സൗഹൃദം, അല്ലെങ്കിൽ അശ്വിൻ കാണിച്ച സ്നേഹവും കരുതലും ആണ് പ്രണയത്തിലേക്കും വിവാഹത്തിലേക്കും ദിയയെ എത്തിച്ചതും.

ALSO READ:സ്ഥിരവരുമാനം മകൾക്ക് മാത്രമെന്ന്! അപ്പോൾ കോടികളുടെ സ്വത്തുക്കൾക്ക് എന്ത് സംഭവിച്ചു; ദിലീപിന്റെ വാക്കുകളോട് ആരാധകരുടെ ചോദ്യം

അധികം വൈകാതെ അമ്മയാകും ദിയ. അടുത്തായിരുന്നു വളക്കാപ്പ് നടന്നത്. വളക്കാപ്പിന് മുൻപേ ഏകദേശം മൂന്നുമാസം ഗർഭിണി ആയിരിക്കെ ആണ് ലണ്ടനിലേക്ക് ദിയ പോയതും. എന്നാൽ ഇപ്പോൾ ഈ രണ്ട് സംഭവങ്ങളും ചേർത്തുവായിക്കുകയാണ് ഇപ്പോൾ ദിയയുടെ ഫാൻസ്‌. ദിയയുടെ മെഹന്ദിയിൽ കൈയ്യിൽ വരച്ച ഉണ്ണിക്കണ്ണന്റെ മുഖമാണ് ആരാധകരുടെ സംശയത്തിന് ആക്കം കൂട്ടിയത്.

ALSO READ: ഏറെ വൈകാരികവും അപ്രതീക്ഷിതവുമായ സംഭവമെന്ന് പേളി! മൂന്നാമത്തെ കുഞ്ഞിന്റെ വരവാണ് സ്വിറ്റ്സർലൻഡിൽ വച്ച് വെളിപ്പെടുത്തുമെന്ന് ആരാധകരും

ദിയക്ക് മോൻ ജനിക്കാൻ പോകുന്നു, ആണാണോ പെണ്ണാണോ എന്നത് കുടുംബം അറിഞ്ഞിട്ടാണ് ഉണ്ണി കൃഷ്ണന്റെ മുഖം വരച്ചത് എന്നാണ് ഫാൻസ്‌ പറയുന്നത്. ഇന്ത്യയിൽ ലിംഗനിർണയം സാധ്യം അല്ലാത്തത് കൊണ്ടുതന്നെ വിദേശത്തുവച്ചു കുഞ്ഞിന്റെ ജെൻഡർ മനസിലായിട്ടുണ്ടാകും എന്നാണ് മറ്റുചിലരുടെ കമന്റുകൾ. എന്നാൽ കൃഷ്ണനോടുള്ള ആരാധന ആകും അത്തരത്തിൽ താമരയും ഉണ്ണി കൃഷ്ണന്റെ മുഖവും ഒക്കെ വരച്ചെടുക്കാൻ കാരണം എന്ന് വാദിക്കുന്നവരും കുറവല്ല.

പ്രണയവിവാഹം! എത്രയും സിംപിൾ ആക്കാമോ അത്രയും സിംപിൾ ആക്കിയാണ് വിവാഹം നടത്തിയത്. വിവാഹത്തിന്റെ ഒട്ടുമിക്ക കാര്യങ്ങളും ദിയ തന്നെയാണ് നോക്കിയതും . വിവാഹത്തിന് ശേഷമുള്ള ഹണിമൂൺ യാത്രയും വിശേഷങ്ങളും ഒക്കെ സോഷ്യൽ മീഡിയയിൽ പങ്കുവച്ചെത്തിയിരുന്നു. വിവാഹശേഷം ഇരുവരും മറ്റൊരു വീട്ടിൽ ആണ് താമസം. ആ വീട്ടിലെ വിശേഷങ്ങളും സ്വന്തം വീട്ടിൽ വരുമ്പോൾ ഉള്ള സന്തോഷ നിമിഷങ്ങളും ഒക്കെ പ്രേക്ഷകർക്കായി ദിയ കാണിക്കാറുണ്ട്.