രണ്ടാമത് വിവാഹം കഴിച്ചതിന്റെ പേരിൽ അത്രേം കേട്ടു! മക്കളെക്കുറിച്ച് വരെ ഇല്ലാക്കഥകൾ; ധാരണകൾ തെറ്റെന്ന് തെളിയിച്ചത് ദിവ്യ

Authored by: ഋതു നായർ|Samayam Malayalam•26 May 2025, 8:05 am

മലയാളികള്‍ക്ക് സുപരിചിതനാണ് ഉല്ലാസ് പന്തളം. മിമിക്രി വേദികളിലൂടെ അഭിനയരംഗത്തേക്ക് എത്തിയ ഉല്ലാസ് ടെലിവിഷൻ രംഗത്തും ബിഗ് സ്‌ക്രീൻ രംഗത്തും തന്റേതായ സ്ഥാനം നേടിയ കലാകാരൻ ആണ്. കൗണ്ടറുകളിലൂടേയും തന്റേതായ അഭിനയശൈലിയിലൂടെയും മലയാളി ആരാധകർക്ക് ഒട്ടേറെ ചിരിപ്പൂരം ഒരുക്കിയ ആളുകൂടിയാണ് ഉല്ലാസ്. സ്റ്റാര്‍ മാജിക്കിലേയും നിറ സാന്നിധ്യമായിരുന്ന ഉല്ലാസ് അടുത്തിടെയാണ് വീണ്ടും വിവാഹിതനായത്. ദിവ്യയാണ് താരത്തിന്റെ ഭാര്യ. അരീക്കോട് പഞ്ചായത്ത് വൈസ് പ്രസിഡന്റായിരുന്ന ദിവ്യയും ആയി ഉല്ലാസിന്റെ വിവാഹം നടന്നത് വളരെ ലളിതമായിട്ടായിരുന്നു.

വിവാഹത്തിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായപ്പോഴാണ് വിവാഹവാർത്ത ആരാധകർ അറിയുന്നത് തന്നെ. വളരെ അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹത്തിനുണ്ടായിരുന്നത്. എന്നാൽ വിവാഹത്തിന് പിന്നാലെ ഒട്ടനവധി ആരോപണങ്ങളും പഴികളും ഉല്ലാസിനു കേൾക്കേണ്ടി വന്നു, ഭാര്യയുടെ മരണത്തിനു പിന്നാലെ വിവാഹം കഴിച്ചതിന്റെ പേരിൽ ആയിരുന്നു പഴികൾ മുഴുവൻ ഉല്ലാസിന്റെ നേർക്കുവന്നത്. എന്നാൽ ഇതിനെതിരെ ഒരിക്കൽ പോലും ഉല്ലാസ് പ്രതികരിച്ചില്ല. പകരം വിമർശകർക്ക് മുൻപിൽ ജീവിതം മനോഹരമാക്കി കാണിച്ചു കൊടുത്തു. ദിവ്യക്കും രണ്ടുമക്കൾക്കും ഒപ്പം സന്തുഷ്ടകരമായ കുടുംബജീവിതം നയിക്കുകയാണ് ഇപ്പോൾ ഉല്ലാസ്.

ALSO READ: ഏട്ടനാണ് എന്നെക്കാൾ പാടുന്നത്! ! പതിനെട്ടാം വയസ്സിലെ വിവാഹജീവിതം; രാധിക ദേവി രാധിക സുരേഷ് ഗോപിയായി 25 വർഷത്തെ ഇടവേളയുംദിവ്യ സാമൂഹിക സേവനത്തോടൊപ്പം തന്നെ കുടുംബത്തിലെ മുഴുവൻ കാര്യങ്ങൾക്കും ഒപ്പം തന്നെയുണ്ട്. ഉല്ലാസിന്റെ രണ്ടുമക്കളും ദിവ്യക്ക് സ്വന്തം മക്കൾ തന്നെയാണ്. കുഞ്ഞുങ്ങളുടെ ഓരോ കാര്യത്തിലും ദിവ്യ തന്നെയാണ് മേൽനോട്ടം വഹിക്കുന്നത്. കുടുംബത്തിന് എത്രത്തോളം പ്രാധാന്യം ദിവ്യ നൽകുന്നുണ്ടെന്ന് അവരുടെ പോസ്റ്റുകളിൽ നിന്നും വ്യക്തമാണ്. മക്കളെ ഉപേക്ഷിച്ചാണ് ഉല്ലാസ് പോയതെന്ന ഏറ്റവും വലിയ ആരോപണത്തിന് മറുപടി കൂടിയാണ് ദിവ്യയും ഉല്ലാസും തമ്മിലുള്ള ജീവിതം. ഈ അടുത്താണ് ഉല്ലാസും ദിവ്യയും ചേർന്ന് ഹോട്ടൽ സംരഭത്തിലേക്ക് കൂടി കടന്നത്. പന്തളത്ത് ജനപ്രിയ ഹോട്ടലായി മാറിയിരിക്കുകയാണ് ഉല്ലാസിന്റെയും ദിവ്യയുടെയും പുതിയ തുടക്കം. രണ്ടാം വിവാഹം ചെയ്തതിന്റെ പേരിൽ പഴിച്ചവർ ഒക്കെയും ഇന്ന് ഉല്ലസിനും ദിവ്യക്കും നിറഞ്ഞ മനസോടെ ആശംസകൾ നേരുകയാണ്,
ALSO READ:നക്ഷത്രമനയുടെ ഉടമ! കൊച്ചച്ഛന്റെ ഓർമ്മകളും; സ്നേഹയുമായി പ്രണയം വിവാഹം; എന്തിനും ഒപ്പം നിൽക്കുന്ന ആളെന്ന് പ്രകാശ് വർമ്മ

2022 ലായിരുന്നു ഉല്ലാസിന്റെ ആദ്യ ഭാര്യ ആശ മരണപ്പെടുന്നത്. ആത്മഹത്യയായിരുന്നു. വീടിന്റെ ഒന്നാം നിലയില്‍ തൂങ്ങിമരിച്ചനിലയിലാണ് ആശയെ കണ്ടെത്തുന്നത്. ആശയുടെ കുടുംബത്തിനും പരാതി ഇല്ലെന്ന് പറഞ്ഞതോടെയാണ് ആരോപണങ്ങൾ കെട്ടടങ്ങിയത്.

ഏകദേശം മുപ്പത്തിരണ്ട് വയസ്സുവരെ വിവാഹം വേണ്ടെന്ന നിലപാടിൽ ആയിരുന്നു ഉല്ലാസ്. വിവാഹത്തിനോട് ഒരു ഒരു വിരുദ്ധ സമീപനം. അതിനു മറ്റൊന്നും ആയിരുന്നില്ല കാരണം, സ്വന്തമായി ഒരു വീടോ വരുമാനമാർഗ്ഗമോ ഇല്ലാത്തിരുന്നു. വാടകവീട്ടിലെ ജീവിതം തന്നെ ആയിരുന്നു വിവാഹം വേണ്ട എന്ന നിലപാടെടുക്കാൻ കാരണം. ആകെ ഉണ്ടായിരുന്നത് നാല് സെന്റ് സ്ഥലം ആയിരുന്നുവെന്നും ഒരു കോടിയിൽ പങ്കെടുക്കവെ ഉല്ലാസ് പറഞ്ഞിട്ടുണ്ട്.