രണ്ട് മാസത്തെ കഷ്ടപ്പാടിന് ശേഷം ബിടിഎസ് താരങ്ങൾ തിരിച്ച് സ്വന്തം നാട്ടിലേക്ക്

4 months ago 5

Authored by: അശ്വിനി പി|Samayam Malayalam•28 Aug 2025, 10:19 pm

പുതിയ ആൽബത്തിൻറെ വർക്കുകളുമായി ബന്ധപ്പെട്ട് രണ്ട് മാസത്തോളമായി ബിടിഎസ് താരങ്ങൾ ലോസ് ആഞ്ചൽസിലാണ്. ഇപ്പോഴിതാ ഏഴു പേരും സൌത്ത് കൊറിയയിലേക്ക് തിരിച്ചെത്തിയിരിക്കുന്നു

സൗത്ത് കൊറിയൻ മ്യൂസിക് ബാന്റായ, ഏഴംഗ സംഘം ഉൾപ്പെട്ട ബിടിഎസ് രണ്ട് രണ്ടര വർഷങ്ങൾക്ക് ശേഷം വീണ്ടും ആക്ടീവാകുകയാണ്. സൗത്ത് കൊറിയയിലെ നിയമം അനുസരിച്ച് പതിനെട്ട് വയസ്സ് പൂർത്തിയായ എല്ലാ ആൺകുട്ടികളും നിർബന്ധമായി സൈനിക സേവനത്തിന്റെ ഭാഗമാവണം എന്നതിനാലാണ് കഴിഞ്ഞ രണ്ട് വർഷങ്ങളായി ബിടിഎസ് താരങ്ങൾ തങ്ങളുടെ കരിയറിൽ നിന്നും വിട്ടു നിന്നത്.

രണ്ട് വർഷങ്ങൾക്ക് ശേഷം സൈനിക സേവനം പൂർത്തിയാക്കി തിരിച്ചെത്തിയ ബിടിഎസ് താരങ്ങൾ പഴയതിലും അധികം ആക്ടീവായി സജീവമായിരുന്നു പിന്നീട്. വേൾഡ് ടൂറും, സോളോ പെർഫോമൻസുകളും എല്ലാം കഴിഞ്ഞ് പുതിയ ആൽബത്തിന്റെ പണിപ്പുരയിലായിരുന്നു ആർഎം, ജിമിൻ, ജങ്കൂക്ക്, ജെ ഹോപ്പ്, ജിൻ, സുഗ, വി തുടങ്ങിയ ഏഴ് പേരും.

Also Read: എട്ട് വർഷത്തെ പ്രണയം, മൈക്കിൾ ജാക്സണിന്റെ മൂത്ത മകൻ പ്രിൻസ് ജാക്സൺ വിവാഹിതനാകുന്നു, കാമുകിയ്ക്കൊപ്പമുള്ള ചിത്രങ്ങൾ

രണ്ട് മാസത്തോളം ലോസ് ആഞ്ചൽസിലായിരുന്നു ഏഴ് പേരും. പുതിയ ആൽബത്തിന്റെ വർക്കുകളിൽ മുഴുകയിരിക്കുമ്പോഴും ഒരുമിച്ചുള്ള ലോസ് ആഞ്ചൽസിലെ നിമിഷങ്ങളും സന്തോഷങ്ങളും ഏഴു പേരും പങ്കുവച്ചുകൊണ്ടേയിരുന്നിരുന്നു. ഇപ്പോഴിതാ ആൽബത്തിന്റെ പണി പൂർത്തിയാക്കി ഏഴ് പേരും സൗത്ത് കൊറിയയിലേക്ക് തിരിച്ചെത്തിയതായി ഔദ്യോഗിക വിവരം. ആൽബം 2026 ൽ മാത്രമേ പുറത്തിറങ്ങുകയുള്ളൂ.

Also Read: ആ പ്രതിജ്ഞ അന്നയെ കണ്ടതോടെ തെറ്റിക്കേണ്ടിവന്നു! കണ്ടെത്തിയത് പിറന്നാളിന്റെ അന്ന്; വിവാഹശേഷം വിശേഷങ്ങൾ

യുഎസ് പൗരത്വം: അയൽപക്കക്കാരും ഇനി നല്ലത് പറയണം, അറിയാം വിശദമായി

Also Read: കുംഭമേളത്തിലെ വൈറൽ താരം മൊണാലിസ ഭോസ്ലെ മലയാളത്തിൽ, ആരുടെ നായികയായിട്ടാണെന്ന് അറിയാമോ?

പുതിയ ആൽബത്തിന്റെ പണി പൂർത്തിയാക്കി തിരിച്ചെത്തിയ സാഹചര്യത്തിൽ ബിടിഎസ് താരങ്ങൾ ഇനി അടുത്തതായി ചെയ്യാൻ പോകുന്നത് എന്താണ് എന്ന് അറിയാൻ കാത്തിരിയ്ക്കുകയാണ് ആരാധകർ. ഒരുമിച്ച് ഒരു സ്റ്റേജ് ഷോയോ, ആരാധകരുമായി സംവദിയ്ക്കുന്ന ലൈവ് വീഡിയോ ആണ് ആരാധകർ പ്രതീക്ഷിക്കുന്നത്.

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക