രാകേഷേ ഈയാത്ര വേഗത്തിലായി എങ്ങനെ സഹിക്കും! മരിക്കുന്നതിന് മണിക്കൂറുകൾ മുൻപ് വരെ ആക്റ്റീവ്; ഹൃദയം തൊടുന്ന പോസ്റ്റുകളും

Authored byഋതു നായർ | Samayam Malayalam | Updated: 12 May 2025, 2:20 pm

മലയാളി അല്ലെങ്കിലും രാകേഷ് പൂജാരിക്ക് ഏറെ ഫാൻസുണ്ട് കേരളത്തിലും. റിയാലിറ്റിയ് ഷോ താരമായ രാകേഷിന്റെ മരണവാർത്ത കർണ്ണാടകയെ വേദനിപ്പിച്ച പോലെ തന്നെ മലയാളത്തിലെ ആരാധകരെയും സങ്കടത്തിലാക്കി. മരിക്കുന്നതിനു മണിക്കൂറുകൾ മുൻപ് വരെ സോഷ്യൽ മീഡിയയിൽ ആക്റ്റീവ് ആയിരുന്ന രാകേഷ്. തന്റെ പ്രിയ സുഹൃത്തിന്റെ കല്യാണം കൂടിയും പ്രിയ കൂട്ടുകാരിക്ക് പിറന്നാൾ ആശംസകൾ നേർന്നുകൊണ്ട് രാകേഷ് പോസ്റ്റുകൾ പങ്കിട്ടു. കഴിഞ്ഞദിവസം കണ്ട സുഹൃത്തുക്കൾ വരെ രാകേഷിന്റെ ലേറ്റസ്റ്റ് ചിത്രങ്ങൾക്കും പോസ്റ്റുകൾക്കും കമന്റുകൾ ഇടുന്നത് വേദനയോടെയാണ് .
രാകേഷേ ഈയാത്ര വേഗത്തിലായി എങ്ങനെ സഹിക്കും ഞങ്ങൾ ഇത്. ഇന്നലെ ഈ സമയത്തുകൂടി ഞങ്ങൾക്ക് ഒപ്പം ഉണ്ടായിരുന്ന ആളാണ്. എത്ര വർഷങ്ങൾ ഇനിയും തമാശയും കളി ചിരിയുമായി മുൻപോട്ട് പോകേണ്ടവർ ആയിരുന്നു നമ്മൾ എന്നിങ്ങനെ കമന്റുകൾ കൊണ്ട് നിറയുകയാണ് രാകേഷിന്റെ ഇൻസ്റ്റ ഐഡി. സുഹൃത്തുക്കൾക്കും കുടുംബത്തിനുമായി അത്രയധികം സ്നേഹം നൽകിയിരുന്ന ആളെ ആണ് നഷ്ടപെട്ടത് എന്നാണ് മറ്റൊരാൾ കമന്റിട്ടത്.

കോമഡി ഖിലാഡിഗലു-സീസൺ 3 ഇത് എത്തിയപ്പോൾ മുതലാണ് രാകേഷ് മലയാളികൾക്കും പ്രിയങ്കരൻ ആയത്. മികച്ച ഹാസ്യനടൻ കൂടിയായ രാകേഷ് നിരവധി ഷോകളുടെ ഭാഗമായിരുന്നു. 33 വയസായിരുന്നു രാകേഷിന്. കർണാടകയിലെ കാർക്കളയിൽ ഒരു ചടങ്ങിൽ പങ്കെടുക്കുന്നതിനിടെയാണ്. രാകേഷിന് ഹൃദയാഘാതം സംഭവിക്കുന്നത്.

ഉഡുപ്പി സ്വദേശിയാണ് രാകേഷ് . സുഹൃത്തുക്കൾക്കൊപ്പം ഇരിക്കുമ്പോൾ ആയിരുന്നു രാകേഷ് കുഴഞ്ഞുവീണത്. ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും രാകേഷിനെ നഷ്ടമായി. പുലർച്ചെ 2:00 മണിയോടെയാണ് സംഭവം എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

ALSO READമീനൂട്ടിക്ക് അമ്മയുടെ സ്ഥാനത്ത് ഇനി ഒരാളെ ഉൾക്കൊള്ളാനാകില്ല; എനിക്കറിയാം; ഇത്രയും വലിയ കുട്ടിയുടെ അമ്മയാകാൻ കാവ്യക്കും പറ്റില്ല
ആരോഗ്യ കാര്യങ്ങളിൽ ഏറെ ശ്രദ്ധിക്കുന്ന ആളായിരുന്നു രാകേഷ്. സോഷ്യൽ മീഡിയയിൽ ഏറെ സജീവമായ രാകേഷ് ആരാധകർക്ക് ഏറെ പ്രിയങ്കരനും.

വിശ്വരൂപ് എന്ന പേരിലാണ് രാകേഷ് പൂജാരി ഏറെ അറിയപ്പെട്ടിരുന്നത്. കോമഡി ഖിലാഡിഗലു സീസൺ 2 ൽ തന്റെ ടീം രണ്ടാം സ്ഥാനം നേടിയാണ് ആരാധക ശ്രദ്ധ നേടിയത്. പിന്നീട് സീസൺ 3 ലേക്ക് അദ്ദേഹം തിരിച്ചെത്തി, അവിടെ അദ്ദേഹത്തിന്റെ ടീം മത്സരത്തിൽ വിജയിച്ചു, ആരാധകർക്കിടയിൽ കൂടുതൽ അംഗീകാരം നേടി.

ALSO READ എനിക്ക് വേണ്ടി എല്ലാം ചെയ്യുന്ന അമ്മ! അമ്മയാണ് എല്ലാം; ഇന്ന് ചെറിയ കുട്ടിയല്ല, വലുതായി സംഗീതത്തിലും താത്പര്യം: ആശംസകൾ നേർന്ന അമേയ

ടെലിവിഷനു പുറമേ, രാകേഷ് നാടകരംഗത്ത് സജീവമായിരുന്നു, നിരവധി സിനിമകളിലും തന്റെ സ്ഥാനം രേഖപ്പെടുത്തി. പൈൽവാൻ, ഇത് എന്ത ലോകവായ്യ തുടങ്ങിയ കന്നഡ സിനിമകളും പെറ്റ്കമ്മി, അമ്മെർ പോലീസ് തുടങ്ങിയ തുളു ചിത്രങ്ങളും അദ്ദേഹം അഭിനയിച്ചു.