രാജസ്ഥാൻ റോയൽസ് വിട്ട് കൊൽക്കത്തയിലേക്ക് ചേക്കേറുമോ യശസ്വി ജയ്‌സ്വാൾ; താരത്തിന്റെ പോസ്റ്റ് കണ്ട് ഞെട്ടി ആരാധകർ

Authored by: അനുഷ ഗംഗാധരൻ|Samayam Malayalam•22 May 2025, 7:55 pm

ഐപിഎൽ 2025 ൽ പോയിന്റ് ടേബിളിൽ ഒൻപതാം സ്ഥാനം നിലനിർത്തി സീസണിലെ മത്സരങ്ങൾ പൂർത്തിയാക്കിയ ടീം ആണ് രാജസ്ഥാൻ റോയൽസ്. മലയാളി താരം വിക്കറ്റ് കീപ്പർ ബാറ്റർ സഞ്ജു സാംസൺ നയിക്കുന്ന റോയൽസ് ചെന്നൈ സൂപ്പർ കിങ്സിനെത്തിരെ തകർപ്പൻ ജയം സ്വന്തമാക്കിയാണ് ഐപിഎൽ 2025 സീസണിൽ നിന്നും പടിയിറങ്ങിയത്.
എന്തുകൊണ്ട് ലാവണ്ടർ ജേഴ്‌സി; ടോസ് നേടിയ ഗുജറാത്തിന്റെ തീരുമാനം ലക്‌നൗവിന് തിരിച്ചടിയോ?
അതേസമയം റോയൽസ് ആരാധകരെ നിരാശയിലാഴ്ത്തുന്ന അഭ്യൂഹങ്ങളാണ് ഇപ്പോൾ പ്രചരിക്കുന്നത്. യശസ്വി ജയ്‌സ്വാളിന്റെ ഒരു പോസ്റ്റ് ആണ് ആരാധകരെ ഇപ്പോൾ സംശയത്തിലാഴ്ത്തുന്നത്. രാജസ്ഥാൻ റോയൽസിന്റെ ഈ സീസണിലെ ഏറ്റവും അവസാനത്തെ മത്സരത്തിന് ശേഷം താരം തന്റെ ഇൻസ്റ്റാഗ്രാം പോസ്റ്റിൽ കുറിച്ച വാക്കുകളാണ് സംശയത്തിന് തുടക്കം കുറിക്കുന്നത്.
ഓപ്പണിംഗ് ബാറ്റ്‌സ്മാൻ ആയ ജയ്‌സ്വാൾ രാജസ്ഥാൻ റോയൽസ് വിടുകയാണ് എന്ന് തോന്നിപ്പിക്കും വിധമാണ് റോയൽസ് താരത്തിന്റെ പോസ്റ്റ്. ഈ സീസണിൽ രാജസ്ഥാൻ റോയൽസിനായി ഏറ്റവും കൂടുതൽ റൺസ് നേടിയ താരമാണ് ജയ്‌സ്വാൾ. അതുകൊണ്ടു തന്നെ താരം ടീം വിടുന്നതിനെ കുറിച്ച് ആരാധകർക്ക് ചിന്തിക്കാൻ പോലും കഴിയില്ല. രാജസ്ഥാൻ റോയൽസ് മാനേജ്മെന്റിനോട് നന്ദി പറഞ്ഞ ജയ്‌സ്വാൾ ടീം ഒരിക്കലും പ്രതീക്ഷിക്കാത്ത ഒരു സീസൺ ആയിരുന്നു ഇത് എന്നും തുറന്നുപറഞ്ഞു.

'നന്ദി രാജസ്ഥാൻ റോയൽസ്' എന്ന് പറഞ്ഞുകൊണ്ട് തുടങ്ങിയ പോസ്റ്റ് നിമിഷ നേരം കൊണ്ടാണ് സ്മൂമാധ്യമങ്ങളിൽ ചർച്ചയായത്. ജയ്‌സ്വാൾ രാജസ്ഥാൻ വിടുകയാണ് എന്ന തരത്തിൽ വാർത്തകൾ പ്രചരിക്കുകയും ചെയ്തു.

'രാജസ്ഥാൻ റോയൽസ്, എല്ലാത്തിനും നന്ദി. ഞങ്ങൾ ഒരിക്കലും പ്രതീക്ഷിച്ച സീസൺ ആയിരുന്നില്ല ഇത്. പക്ഷേ ഞങ്ങളുടെ ഒരുമിച്ചുള്ള യാത്രയോട് ഞാൻ നന്ദി അറിയിക്കുകയാണ്. അടുത്ത വെല്ലുവിളിയിലേക്ക് ഇൻ ആയിട്ടുണ്ട്, ഭാവി എന്താകുമെന്ന് അറിയില്ല YBJ 64' എന്നായിരുന്നു താരത്തിന്റെ പോസ്റ്റ്. ഇതോടെ ആരാധകർ ജയ്‌സ്വാൾ രാജസ്ഥാൻ വിടുകയാണ് എന്ന് ഉറപ്പിച്ചു. എന്നാൽ ഈ അഭ്യൂഹങ്ങളോട് ഇതുവരെ ജയ്‌സ്വാൾ പ്രതികരിച്ചിട്ടില്ല.

അതേസമയം തങ്ങളുടെ പ്രിയ താരം രാജസ്ഥാൻ വിട്ടുപോകരുത് എന്ന ആവശ്യമായി ഇതിനോടകം ആരാധകർ എത്തിക്കഴിഞ്ഞു. അതോടൊപ്പം ജയ്‌സ്വാളിനോട് കൊൽക്കത്ത നൈറ്റ് റൈഡേഴ്സിൽ ജോയിൻ ചെയ്യാൻ പറയുന്ന ആരാധകരും ഉണ്ട്. കെകെആറിലേക്ക് സ്വാഗതം എന്നാണ് ചിലർ താരത്തിന്റെ പോസ്റ്റിനു കീഴിൽ കമന്റ് ചെയ്‌തിരിക്കുന്നത്‌.

അതേസമയം രാജസ്ഥാൻ റോയൽസിൽ ചില മാറ്റങ്ങൾ സംഭവിക്കാനുള്ള സാധ്യത കൂടുതലാണ് എന്ന സൂചനയാണ് റോയൽസിന്റെ അവസാന മത്സരത്തിന് ശേഷം പുറത്തുവരുന്നത്. ടീമിലേക്ക് പുതിയ ചില താരങ്ങൾ ഈയിടെ വന്നിരുന്നു. ഇതുകൊണ്ടുതന്നെ ചില താരങ്ങൾ പുറത്തേക്ക് പോകാനുള്ള സാധ്യത കൂടുതലാണ് എന്നാണ് സൂചന.

അതിൽ പ്രധാനി ഷിംറോൺ ഹെറ്റ്മയർ ആണ്. 11 കോടി രൂപയ്ക്ക് നിലനിർത്തിയ താരം സീസണിൽ ഉടനീളം ദയനീയ പ്രകടനമാണ് കാഴ്ചവെച്ചത്. ഒരു ഫിനിഷറിന്റെ കടമ നിറവേറ്റാൻ അദ്ദേഹത്തിന് സാധിച്ചില്ല. പലപ്പോഴും റോയൽസിന്റെ തോൽവിക്ക് കാരണമായി ഹെറ്റ്മയർ മാറിയതും ടീമിനെയും ആരാധകരെയും ചൊടിപ്പിച്ചു. അതുകൊണ്ടുതന്നെ അടുത്ത സീസണ് മുന്നോടിയായി താരത്തെ ടീമിൽ നിന്ന് പുറത്താക്കാനുള്ള സാധ്യത കൂടുതലാണ്.

ശുഭം ദുബെയും നിരാശാജനകമായ പ്രകടനമാണ് കാഴ്ചവെച്ചത്. ഈ താരത്തെയും റോയൽസ് ഒഴിവാക്കാനുള്ള സാധ്യത കൂടുതലാണ്. ഐപിഎൽ 2025 സീസണിലെ പോലുള്ള ഒരു പ്രകടനം റോയൽസ് ക്യാമ്പ് ഇനി ആഗ്രഹിക്കുന്നില്ല. അതുകൊണ്ടുതന്നെ ടീമിൽ വമ്പൻ പൊളിച്ചുപണി നടക്കും എന്ന് ഉറപ്പാണ്.