ലാലേട്ടന്റെ മുൻപിൽ ക്ലാപ്പ് അടിച്ചു തുടങ്ങിയ എന്റെ സിനിമാ ജീവിതം; എനിക്ക് തന്ന സ്നേഹമാണ് ഞാൻ

Authored by: ഋതു നായർ|Samayam Malayalam•21 Jul 2025, 11:47 am

പ്രിൻസ് ആൻഡ് സെലിബ്രെഷനിൽ ആണ് ദിലീപും സഹപ്രവർത്തകരും. എൺപതാം ദിവസമാണ് ചിത്രത്തിന്റെ വിജയം ദിലീപ് തന്റെ പ്രിയപ്പെട്ടവവർക്ക് ഒപ്പം ആഘോഷിച്ചത്. ക്ലാപ്പ് അടിച്ചുതുടങ്ങിയ തന്റെ സിനിമാ ജീവിതം ഇവിടം വരെ എത്തിയതിൽ ഒരുപാട് ആളുകളോട് നന്ദി പറയാൻ ഉണ്ടെന്നാണ് ദിലീപ് പറയുന്നത്.

ദിലീപ് പറയുന്നു

ഒരുപാട് സിനിമകളിൽ പൊട്ടിച്ചിരിപ്പിച്ച നായകൻ എന്ന് കേട്ടപ്പോൾ ഒരുപാട് സന്തോഷം. 91 മുതൽ ആണ് ഞാൻ സിനിമയിൽ തുടങ്ങിയത്. എന്റെ സീനിയറ്റേഴ്സിന്റെ അഭിനയം കണ്ടാണ് ഞാൻ അഭിനയം പഠിച്ചത്. ലാലേട്ടന്റെ മുൻപിൽ ക്ലാപ്പ് അടിച്ചു തുടങ്ങിയ സിനിമ ജീവിതം ആണ് എന്റേത്.

കോളേജിൽ പഠിച്ച കാലം മുതൽ ഒരുപാട് ഹീറോസ് എന്റെ മനസ്സിൽ ഉണ്ടായിരുന്നു. ഒരുപാട് ചിരിപടങ്ങളും റൊമാന്റിക് ചിത്രങ്ങളും. അവർ ഒരുപാട് ചിത്രങ്ങൾ ചെയ്തിട്ടുണ്ട്. ഇപ്പോൾ ഉള്ളവർക്ക് പുറമെ ഒരുപാട് ആളുകൾ നമ്മളെ വിട്ടുപോയിട്ടുണ്ട്. ഇവരുടെ കൂടെ ഒക്കെ എനിക്ക് പ്രവർത്തിക്കാൻ സാധിച്ചു എന്നതാണ് എന്റെ ഏറ്റവും വലിയ ഭാഗ്യം.

അവരിൽ നിന്നുമാണ് ഞാൻ എല്ലാം പഠിച്ചത്. അവർ തന്ന സപ്പോർട്ടും പിന്തുണയും ആണ് ഞാൻ. അസിസ്റ്റന്റ് ഡയറക്ടർ ആയ ഒരാൾ നടൻ ആയി മാറിയപ്പോൾ എങ്ങനെ ആകും മുൻപോട്ടേക്ക് എന്ന് ഞാൻ ചിന്തിച്ചിരുന്ന കാര്യമാണ്.

ALSO READ: അച്ഛനും മോളും തമ്മിലുള്ള ബോണ്ട്! ഇത് തന്നെയാണ് അന്ന് മഞ്ജുവും പറഞ്ഞത്

ഇവരുടെ
അവരുടെ ഒക്കെ കൂടെ മുൻപോട്ട് പോകാൻ ആകുമോ എന്ന ഭയം പക്ഷേ അവർ തന്നെ ആണ് മാറ്റിയത്. നിരവധി പ്രഗത്ഭന്മാർക്ക് ഒപ്പം എനിക്ക് അഭിനയിക്കാൻ കഴിഞ്ഞു. അങ്ങനെ അഭിനയത്തിലെ ബാലപാഠങ്ങൾ പഠിക്കുന്നത് പോലും ഇവരിൽ നിന്നുമാണ്.

ഗുരുസ്ഥാനത്ത് ഉള്ളവർ ആണ് ഇവർ എല്ലാവരും. 150 സിനിമകൾ എന്ന സ്വപ്നം ഞാൻ ഒറ്റക്ക് അല്ല നേടിയത്. കോ ആർട്ടിസ്റ്റുകൾ മുതൽ ടെക് ടീമിൽ പ്രവർത്തിച്ചവർ വരെയുണ്ട്. ദൈവത്തിന്റെ അനുഗ്രഹം കൊണ്ട് പ്രിൻസ് ആൻഡ് ഫാമിലി വലിയ വിജയം ഉണ്ടായി. അതിൽ ഓരോ ആളുകളോടും നന്ദി പറയുന്നു.

ലിസ്റ്റിൻ എടുത്ത വലിയ റിസ്‌ക്ക് ആയിരുന്നു ഇത്. എനിക്ക് വേണ്ടി സംവിധായകനും പലതും അളന്നു കുറിച്ചാണ് തിട്ടപെടുത്തിയത്. അതാണ് ഇതിലെ വിജയം. ഈ പടത്തിന്റെ ഹീറോ ശരിക്കും റാണിയ തന്നെ ആണ്. മലയാള സിനിമക്ക് കിട്ടിയ വലിയ കലാകാരി കൂടി ആണ് റാണിയ.

ഈ സദസ്സിൽ ഇങ്ങനെ നിൽക്കുമ്പോൾ എന്റെ പ്രേക്ഷകർക്ക് ആണ് എനിക്ക് ഏറെ നന്ദി പറയാനുള്ളത് വലിയ നന്ദി. ആരെയെങ്കിലും വിട്ടുപോയെങ്കിൽ ക്ഷമിക്കുക എന്നാണ് പറയാൻ ഉള്ളത്- ദിലീപ് പറഞ്ഞു നിര്ത്തുന്നു.