ലൊല്ലപലൂസ കഴിഞ്ഞാൽ ജെ -ഹോപ് നേരെ ലോസ്ആഞ്ചൽസിലേക്ക്; ഇനി രണ്ട് മാസം ബിടിഎസ് താരങ്ങൾ കൊറിയയിൽ ഉണ്ടാവില്ല എന്നുറപ്പിച്ചു!

Authored by: അശ്വിനി പി|Samayam Malayalam•10 Jul 2025, 4:31 pm

രണ്ട് വർഷത്തിന് ശേഷം ബി ടി എസ് താരങ്ങളുടെ ഒരു ആൽബം വരാൻ വേണ്ടി അക്ഷമരായി കാത്തിരിയ്ക്കുകയാണ് ലോകമെമ്പാടുമുള്ള കെ - പോപ് , ബി ടി എസ് ആരാധകർ. സൈനിക സേവനം പൂർത്തിയാക്കിയ ഏഴ് പേരും തങ്ങളിലെ കലാകാരന്മാരെ വീണ്ടും ഉന്മേഷത്തോടെ ഉണർത്താൻ വിദേശ യാത്രകളിലൊക്കെയായിരുന്നു. അതിനിടയിൽ തീർക്കേണ്ടതും ചെയ്യേണ്ടതുമായ ചില കടമകളും, പരിപാടികളും എല്ലാം പൂർത്തിയാക്കി. ഇനി പുതിയ ആൽബത്തിൻരെ പണിപ്പുരയിലാണ്.

2026 മാർച്ച് മാസത്തോടെ ബി ടി എസ്സിന്റെ പുതിയ ആൽബം എത്തും എന്നാണ് വിവരങ്ങൾ. എന്നാൽ അതിനുള്ള അണിയറ ഒരുക്കങ്ങൾ ഇപ്പോൾ ത്നനെ തുടങ്ങിയാലേ പൂർത്തിയാകുകയുള്ളൂ. അതിന് വേണ്ടി ബിടിഎസ് താരങ്ങൾ‍ ലോസ് ആഞ്ചൽസിലേക്ക് പോകുന്നതായിട്ടാണ് റിപ്പോർട്ടുകൾ വന്നത്. നേരത്തെ ജിമിനും വി യും ജങ്കോക്കുമെല്ലാം ലോസ്ആഞ്ചൽസിലേക്ക് പോകുന്നതാനിയ എയർപോർട്ടിലെത്തിയ ചിത്രങ്ങൾ വൈറലായിരുന്നു.

Also Read: ചിരി സഹിക്കാൻ പറ്റുന്നില്ലല്ലോ, ഇതൊക്കെ എന്താണ്; ജങ്കൂക്കും വിന്ററും പ്രണയത്തിലാണെന്ന ഗോസിപ്പുകൾ പൊളിച്ചടുക്കി ആരാധകർ

ജെ- ഹോപ് അവർക്കൊപ്പം ചേരും. നിലവിൽ, ഇന്ന് ജെ ഹോഹ് ജർമനിലേക്ക് പോയിരിക്കുകയാണ്. ഏറ്റവും വലിയ വാർഷിക സംഗീതോത്സവങ്ങളിലൊന്നായ ലൊല്ലപലൂസയിൽ ഒരു പ്രധാന കലാകാരനായി പങ്കെടുക്കാനാണ് ജെ ഹോപ്പ് ജർമനിലേക്ക് പോയത്. ഇതോടെ തങ്ങളുടെ പുതിയ ആൽബത്തിന്റെ തയ്യാറെടുപ്പുകളുമായി ബന്ധപ്പെട്ട് ബിടിഎസ് രണ്ട് മാസത്തേക്ക് കൊറിയയിൽ നിന്ന് വിട്ടുനിൽക്കുമെന്ന വാർത്ത സ്ഥിരീകരിക്കപ്പെട്ടു. ബെർലിനിലെ പരിപാടികൾ പൂർത്തിയാക്കിയ ശേഷം താൻ എൽ.എയിൽ അവരോടൊപ്പം ചേരുമെന്നും ജെ-ഹോപ്പ് അറിയിച്ചു.

ജെ-ഹോപ്പ് ദക്ഷിണ കൊറിയയിലെ വിമാനത്താവളത്തിൽ എത്തിയപ്പോൾ വലിയ ജനക്കൂട്ടവും മാധ്യമപ്രവർത്തകരും തടിച്ചുകൂടിയിരുന്നു. അവിടെ നിന്നുള്ള ഫോട്ടോകളും വീഡിയോകളും പകർത്തി അത് സോഷ്യൽ മീഡിയയിൽ പങ്കുവയ്ക്കുകയും ചെയ്തു. മനോഹരമായ ഡെനിം വസ്ത്രവും തന്റെ ട്രേഡ്മാർക്ക് ഷേഡുകളും ധരിച്ച് വളരെ സ്റ്റൈലിഷായിട്ടാണ് ജെ ഹോപ് വിമാനത്താഴത്തിലെത്തിയത്.

വിമാനത്തിലേക്ക് പോകുമ്പോൾ ഒരു പാപ്പരാസി അദ്ദേഹത്തോട് ചോദിച്ചു, "താങ്കൾ ഇന്ന് പോയാൽ രണ്ട് മാസത്തേക്ക് ഞങ്ങൾക്ക് കാണാൻ കഴിയില്ലെന്ന് കേട്ടല്ലോ." അതിന് മറുപടിയായി ജെ-ഹോപ് പറഞ്ഞു, "അതെ, ഇപ്പോൾ സംഗീതത്തിൽ പ്രവർത്തിക്കേണ്ട സമയമാണ്. അവർ [ബിടിഎസിന്റെ മറ്റ് അംഗങ്ങൾ] നേരത്തെ അവിടെ എത്തിയിട്ടുണ്ട്." എന്ന്. ഇതോടെയാണ് പുതിയ ആൽബത്തെ കുറിച്ചുള്ള ആരാധകരുടെ പ്രതീക്ഷ പഴയതിലും അധികം കൂടുകയും ചെയ്തു.