വിഎംഎ 2025 ൽ നിന്ന് ടെയ്ലർ സ്വിഫ്റ്റ് വിട്ടു നിൽക്കാനുള്ള കാരണം, അതിനെക്കാൾ പ്രാധാന്യം പങ്കാളിക്ക് തന്നെ!

Authored by: അശ്വിനി പി|Samayam Malayalam•9 Sept 2025, 4:05 pm

2025 MTV Video Music Awards നടക്കുന്ന വിശേഷങ്ങളാണ് ഇപ്പോൾ ഹോളിവുഡിൽ നിന്നും പുറത്തുവരുന്നത്. അതിനിടയിൽ അവാർഡ് ഷോയിൽ പോപ് ഗായിക ടെയ്ലർ സ്വിഫ്റ്റിന്റെ അസാന്നിധ്യം ചർച്ചയാവുന്നു. 2021 മുതൽ ടെയ്ലർ സ്വിഫ്റ്റിന്റെ എനർജറ്റിക് പെർഫോമൻസ് എടിവി വീഡിയോ മ്യൂസിക് അവാർഡ് ഷോയുടെ ആകർഷണമായിരുന്നു. ആവേശത്തോടെ ടെയ്ലർ സ്വിഫ്റ്റ് ആ ട്രോഫി എടുത്ത് പൊന്തിയ്ക്കുന്ന രംഗവും ആരാധകർ വളരെ അധികം സന്തോഷത്തോടെ സ്വീകരിച്ചതാണ്

എന്നിട്ടും എന്തുകൊണ്ട് ഇത്തവണ ടെയ്ലർ സ്വിഫ്റ്റ് അവാർഡ് ഷോയിൽ നിന്നും വിട്ടു നിന്നു എന്നത് ചർച്ചയായിരുന്നു. ഗായികയുടെ അടുത്ത സുഹൃത്ത് കൂടെയായ സബ്രീന കാർപെന്ററിന്റെ പെർഫോമൻസ് വൈറലായതോടെയാണ് ടെയ്ലർ സ്വിഫ്റ്റ് പങ്കെടുക്കാത്തതിന്റെ കാരണം തിരക്കി ആരാധകർ രംഗത്തിറങ്ങിയത്. കല്യാണം നിശ്ചയിച്ചതുകൊണ്ടാണ്, വിവാഹ തിരക്കാണോ എന്നൊക്കെയുള്ള ചോദ്യങ്ങളും സംശയങ്ങളും പലരും ഉന്നയിച്ചിരുന്നു.

Also Read: ആളും ആരവവും ബഹളങ്ങളും ഇല്ല! ഞങ്ങൾ വിവാഹിതരായി; ഗ്രേസ് ആന്റണി

കല്യാണം നിശ്ചയിച്ചത് ഒരു കാരണം തന്നെയാണ്. അമേരിക്കൻ പ്രൊഫഷണൽ ഫുട്ബോൾ ടൈറ്റ് എൻഡായ തന്റെ ഭാവി ഭർത്താവ് ട്രാവിസ് കെൽസിയുടെ എൻഎഫ്എൽ സീസൺ നടക്കുന്നതിനാൽ ബ്രസീലിലാണ് ഇപ്പോൾ ടെയ്ലർ സ്വിഫ്റ്റ്. സെപ്റ്റംബർ 5 ന് ആരംഭിച്ച എൻഎഫ്എൽ സീസണിൽ കെൽസിയ്ക്ക് എല്ലാ പിന്തുണയും നൽകി കൂടെ തന്നെ നിൽക്കുന്നതിനിടയിൽ, എംടിവി വീഡിയോ മ്യൂസിക് അവാർഡ് ഷോയിൽ വരുന്നത് അത്രയും വലുതാണ് എന്ന് സ്വിഫ്റ്റ് കരുതുന്നില്ല.

Also Read: വിജയ് സ്വപ്നം കാണുന്നത് കിട്ടണം, അദ്ദേഹം അത് അർഹിക്കുന്നുണ്ട് എന്ന് തൃഷ; ദുബായിൽ എത്തിയപ്പോൾ പറഞ്ഞത്, എനിക്കിത് മടുക്കില്ല!

മാത്രമല്ല, അവാർഡ് ഷോയിൽ ഒരു പ്രോഗ്രാമും സ്വിഫ്റ്റ് ഏറ്റെടുത്തിട്ടില്ല. ഈ വർഷം ഒരു ടെയ്ലർ സ്വിഫ്റ്റിന്റെ ആൽബം പുറത്തിറങ്ങിയിട്ടുമില്ല. പിന്നെ എന്തിന് തന്റെ പങ്കാളിയുടെ എൽഎഫ്എൽ സീസൺ മിസ് ചെയ്ത്, അത്രയും ദൂരം യാത്ര ചെയ്യണം എന്നതുകൊണ്ടാണ് ഇത്തവണ ടെയ്ലർ സ്വിഫ്റ്റ് എംടിവി വീഡിയോ മ്യൂസിക് അവാർഡ് ഷോയിൽ നിന്നും വിട്ടു നിന്നത്.


വിവാഹ നിശ്ചയം കഴിഞ്ഞുവെങ്കിലും ട്രാവിസ് കെൽസിയുടെയും ടെയ്ലർ സ്വിഫ്റ്റിന്റെയും വിവാഹം ഉടനൊന്നും ഇല്ലെന്നാണ് റിപ്പോർട്ടുകൾ. പ്രണയ ബന്ധം പരസ്യപ്പെടുത്തിയതിന് ശേഷം, ഔദ്യോഗികമായി ബന്ധം ഉറപ്പിച്ചതിന് ശേഷം സ്വതന്ത്ര്യമായി കുറച്ചു കാലം കൂടെ ഡേറ്റ് ചെയ്തിട്ടേ വിവാഹം ഉണ്ടാവൂ എന്ന് ഇരുവരോടും അടുത്ത വൃത്തങ്ങൾ വ്യക്തമാക്കുന്നു.