വിവാഹം നിശ്ചയിച്ചു, ഗംഭീരമായ വിവാഹം പ്ലാൻ ചെയ്തു; പക്ഷേ നടന്നില്ല! ഒൻപത് വർഷത്തെ ബന്ധം വേർപിരിഞ്ഞു, ഇനി തീരുമാനം എടുക്കേണ്ടത് കുഞ്ഞിന്റെ കാര്യത്തിൽ!

6 months ago 6

Authored by: അശ്വിനി പി|Samayam Malayalam•4 Jul 2025, 6:37 pm

ഗായിക കേറ്റി പെറി യും നടൻ ഒർലാന്റോ ബ്ലൂമും ഒൻപത് വർഷത്തെ പ്രണയ ബന്ധത്തിന് ശേഷം വേർപിരിയുന്നു എന്ന വാർത്തകൾ വരാൻ തുടങ്ങിയിട്ട് ദിവസങ്ങളായി. എന്നാൽ ഇരുവരും ഔദ്യോഗികമായി പ്രതികരിച്ചിരുന്നില്ല. ഓസ്ട്രേലിയയിൽ വച്ചു നടന്ന തന്റെ ലൈഫ് ടൈംസ് ടൂറിന്റെ സമാപന ദിവസം, പെർഫോമൻസിനിടയിൽ കേറ്റി പെറി വികാരഭരിതയായതും പൊട്ടിക്കരഞ്ഞതും വൈറലായിരുന്നു. വേർപിരിയൽ വാർത്ത വന്നതിന് പിന്നാലെയുള്ള ആ ഇമോഷണൽ വീഡിയോ നിമിഷ നേരം കൊണ്ടാണ് വൈറലായത്.

എന്നാൽ ഈ വേർപിരിയൽ തീരുമാനം പെട്ടന്നുണ്ടായതല്ല, ഈ വർഷം തുടക്കം മുതൽകെ തന്നെ കേറ്റി പെറിയും ഒർലാന്റോ ബ്ലൂമിനും ഇടയിൽ പ്രശ്നങ്ങളുണ്ടായിരുന്നു. ലൈഫ് ടൈംസ് ടൂറിന്റെ ഭാഗമായി കേറ്റി ഓസ്ട്രേലിയയിലേക്ക് പോയതും, ഇരുവരും ഒന്നിച്ച് പങ്കെടുക്കേണ്ടിയിരുന്ന സുഹൃത്തിന്റെ വിവാഹത്തിൽ ബ്ലൂം മാത്രം എത്തിയതും എല്ലാം സോഷ്യൽ മീഡിയയിൽ ചർച്ചയുമായിരുന്നു. എന്ത് തന്നെയായാലും ഇരുവരും വേർപിരിയുന്നു എന്ന വാർത്തകൾക്ക് ഇപ്പോൾ സ്ഥരീകരണമായി.

Also Read: നിവിൻ പോളിയും മമിത ബൈജുവും ഒന്നിക്കുന്നു, പ്രേമലുവിന് ശേഷം റൊമാന്‍റിക് കോമഡിയുമായി ഗിരീഷ് എ ഡിയും ഭാവന സ്റ്റുഡിയോയും

മകളുടെ ഉത്തരവാദിത്വത്തെ സംബന്ധിച്ച വിവരങ്ങളാണ് ഇപ്പോൾ പുറത്തുവരുന്നത്. പങ്കാളികൾ എന്ന നിലയിൽ ബ്ലൂമും പെറിയും പിരിയുകയാണെങ്കിലും, മകളുടെ അച്ഛൻ - അമ്മ എന്ന നിലയിലുള്ള ബന്ധം തുടരും. മകളുടെ കാര്യത്തിൽ രണ്ട് പേർക്കും തുല്യ ഉത്തരവാദിത്വങ്ങളും കടമയുമാണ്. മകളെ സ്നേഹത്തെ കുറിച്ചും ബന്ധത്തെ കുറിച്ചും പറഞ്ഞു തന്നെ വളർത്തും. വേർപിരിയൽ മകളെ മാനസികമായി ബാധിക്കില്ല എന്നും വ്യക്തമാക്കുന്നു.

മുൻ ഭർത്താവ് റസ്സൽ ബ്രാൻഡുമായുള്ള വേർപിരിയലിന് ശേഷം കേറ്റി പെറിയെ സംബന്ധിച്ച് വേർപിരിയുക എന്നത് വലിയൊരു ദുഃസ്വപ്നമാണ്. അത്രയേറെ ആ ബന്ധത്തിലും വേർപിരിയലിലും അനുഭവിച്ചിരുന്നു. ജീവിതത്തിലേ ഏറ്റവും മോശം സമയമായിട്ടാണ് ഗായിക അതിനെ കുറിച്ച് പറഞ്ഞത്. ഇപ്പോൾ ഒർലാന്റോ ബ്ലൂമുമായുള്ള ബന്ധം നിയമപരമല്ലാതിരുന്നത് കൊണ്ട് തന്നെ വേർപിരിയൽ പ്രോസസിലൂടെ കടന്ന് പോകേണ്ടതില്ല എന്ന ആശ്വാസത്തിലാണ് കേറ്റി പെറി.

US Independence Day: സ്വാതന്ത്ര്യദിന നിറവിൽ അമേരിക്ക, പൊതു അവധി; അറിഞ്ഞിരിക്കാം ഈ കാര്യങ്ങൾ

2016 മുതലാണ് പെറിയും ബ്ലൂമും ഡേറ്റിങ് ആരംഭിച്ചത്. ഇടയിൽ പലതവണ വേർപിരിഞ്ഞിരുന്നു. 2017 ൽ വേർപിരിഞ്ഞതിന് ശേഷം വീണ്ടും പാറ്റ്ചപ് ആയി. 2019 ൽ വിവാഹ നിശ്ചയവും കഴിഞ്ഞു. വിവാഹം ഗംഭീരമായി നടത്താനായിരുന്നു പ്ലാൻ. എന്നാൽ എന്തുകൊണ്ടോ അത് സംഭവിച്ചില്ല. എന്നാൽ ഒൻപത് വർഷവും ഇരുവരും ഒന്നിച്ച് ജീവിച്ചു. ഇപ്പോൾ ഈ വേർപിരിയൽ ഉചിതമായ തീരുമാനമാണെന്നാണ് ഇരുവരോടും അടുത്ത വൃത്തങ്ങൾ പറയുന്നത്

രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്‍, ഇന്ത്യ ഫില്‍മിബീറ്റ് പോലുള്ള ദേശീയ മാധ്യമങ്ങളില്‍ പ്രവൃത്തിച്ചു. നവമാധ്യമ രംഗത്ത് പത്ത് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക