വെടിക്കെട്ട് ബാറ്ററെ ടീമിലെത്തിച്ച് ആർസിബി, പ്ലേ ഓഫിന് മുൻപ് കിടിലൻ നീക്കം; ത്രില്ലടിച്ച് ആരാധകർ

Curated by: ഗോകുൽ എസ്|Samayam Malayalam•22 May 2025, 3:33 pm

ഐപിഎൽ പ്ലേ ഓഫിന് മുൻപ് ന്യൂസിലൻഡ് സൂപ്പർ താരം ടിം സീഫർട്ടിനെ സൈ‌ൻ ചെയ്ത് റോയൽ ചലഞ്ചേഴ്സ് ബംഗളൂരു. ദേശീയ ടീമിനൊപ്പം മത്സരമുള്ളതിനാൽ നാട്ടിലേക്ക് മടങ്ങുന്ന ഇംഗ്ലീഷ് താരം ജേക്കബ് ബെതലിന് പകരക്കാരനായാണ് വെടിക്കെട്ട് ബാറ്റിങ്ങിന്റെ ആശാനായ ഈ കിവീസ് വിക്കറ്റ് കീപ്പറെ ആർസിബി റാഞ്ചിയിരിക്കുന്നത്. നിലവിൽ പാകിസ്താൻ സൂപ്പർ ലീഗിൽ കറാച്ചി കിങ്സിന് വേണ്ടി കളിച്ചുകൊണ്ടിരിക്കുകയാണ് സീഫർട്ട്. വ്യാഴാഴ്ച രാത്രി ലാഹോർ ഖ്വലാൻഡേഴ്സിന് എതിരെ അവർക്ക് എലിമിനേറ്ററിൽ കളിയുണ്ട്. ഈ മാസം 25 നാണ് പാകിസ്താൻ സൂപ്പർ ലീഗിന്റെ ഫൈനൽ. കറാച്ച് കിങ്സ് ഫൈനലിൽ എത്തുകയാണെങ്കിൽ 26 ഓട് കൂടി മാത്രമാകും ടിം സീഫർട്ട് ഐപിഎൽ ടീമിനൊപ്പം ചേരുക.


വെടിക്കെട്ട് ഓപ്പണറായ ടിം സീഫർട്ട്, നിലവിൽ പിഎസ്എല്ലിൽ കറാച്ചി കിങ്സിന്റെയും ഓപ്പണറാണ്‌. ഈ സീസണിൽ അവർക്കായി കളിച്ച ഒമ്പത് മത്സരങ്ങളിൽ 226 റൺസാണ് താരത്തിന്റെ സമ്പാദ്യം. 145.80 ആണ് സ്ട്രൈക്ക് റേറ്റ്. ഐപിഎല്ലിൽ മുൻപ് കളിച്ചിട്ടുള്ള താരം കൂടിയാണ് സീഫർട്ട്. 2022 ൽ ഡെൽഹി ക്യാപിറ്റൽസിനായി രണ്ട് മത്സരങ്ങൾ കളിച്ച താരം, 2021 ൽ കെകെആറിനായും ഒരു കളിയിൽ ഇറങ്ങി.

'18 വർഷത്തെ കാത്തിരിപ്പ്, ഇത് കോഹ്ലി കിരീടം ഉയർത്തുന്ന വർഷം'; ആർസിബി കാത്തിരുന്നത് ഇത്തവണ സാധ്യമാകുമെന്ന് മുൻ താരം
വെസ്റ്റിൻഡീസ് ടീമിന് എതിരായ പര‌‌മ്പരക്കുള്ള ഇംഗ്ലണ്ട് ടീമിൽ ഇടം പിടിച്ചതോടെയാണ് ജേക്കബ് ബെതൽ ഐപിഎൽ പൂർത്തിയാകാതെ നാട്ടിലേക്ക് മടങ്ങാൻ നിർബന്ധിതനായത്. വെള്ളിയാഴ്ച സൺ റൈസേഴ്സ് ഹൈദരാബാദിന് എതിരെ നടക്കാനിരിക്കുന്ന കളിക്ക് ശേഷമാകും ബെതൽ ആർസിബി ക്യാമ്പ് വിടുക. ഈ സീസണിൽ ആർസിബിക്കായി രണ്ട് മത്സരങ്ങൾ കളിച്ച ജേക്കബ് ബെതൽ, 171.79 ബാറ്റിങ് ശരാശരിയിൽ 67 റൺസ് നേടിയിട്ടുണ്ട്.

മുപ്പതുകാരനായ ടിം സീഫർട്ടി‌ന് ടി20 ക്രിക്കറ്റിൽ മികച്ച റെക്കോഡുണ്ട്. അന്താരാഷ്ട്ര ടി20 യിൽ ന്യൂസിലൻഡിനായി 66 കളികളിൽ 1540 റൺസാണ് അദ്ദേഹത്തിന്റെ സമ്പാദ്യം. ടി20 കരിയറിൽ മൊത്തം 262 മത്സരങ്ങളുടെ പരിചയസമ്പത്താണ് ഈ കിവീസ് താരത്തിനുള്ളത്. ഇതിൽ 133.07 ബാറ്റിങ് സ്ട്രൈക്ക് റേറ്റിൽ 5862 റൺസാണ് സമ്പാദ്യം.

ആ ക്രിക്കറ്റ് നിയമം മുംബൈ ഇന്ത്യൻസിന് പണി കൊടുത്തു, അമ്പയർ ശിക്ഷ നൽകിയത് ഇങ്ങനെ; സുപ്രധാന കളിയിൽ നടന്നത് ഇക്കാര്യം
അതേ സമയം 2025 സീസൺ ഇന്ത്യൻ പ്രീമിയർ ലീഗിൽ ഉജ്ജ്വല ഫോമിലാണ് റോയൽ ചലഞ്ചേഴ്സ് ബംഗളൂരു. നിലവിൽ 12 കളികളിൽ 17 പോയിന്റുമായി ലീഗിൽ രണ്ടാമതാണ് അവർ. ലീഗിൽ ആദ്യ രണ്ട് സ്ഥാനങ്ങളിൽ ഫിനിഷ് ചെയ്ത് ആദ്യ ക്വാളിഫയറിൽ എത്തുകയാണ് ഇനി ടീമിന്റെ ലക്ഷ്യം.