ശേഷത്തിനിടയിലെ കണ്ടുമുട്ടൽ; 16 വർഷത്തെ സുന്ദരജീവിതം; ആരാധ്യയുടെ വരവ്; ജീവിതം ആഘോഷമാക്കി ഇവർ

Authored by: ഋതു നായർ|Samayam Malayalam•4 Jul 2025, 8:16 am

ബാലതാരമായി അഭിനയത്തിലേക്ക് എത്തിയതാണ് ഗീതുമോഹൻദാസ്. അരങ്ങേറ്റം ബാലതാരം ആയിട്ടാണ് എങ്കിലും പിന്നെ മലയാള സിനിമയിലെ മുൻനിര നായികമാരിൽ ഒരാൾ ആയിരുന്നു ഗീതു. രാജീവ് രവിയുമായുള്ള വിവാഹശേഷം അഭിനയത്തിൽ നിന്നും വിട്ടുനിന്ന ഗീതു പിന്നീട് സിനിമയിലേക്ക് എത്തുന്നത് സംവിധായികയുടെ മേലങ്കി അണിഞ്ഞാണ്.

ഒന്നു മുതൽ പൂജ്യം വരെ എന്ന ചിത്രത്തിൽ എത്തുമ്പോൾ ഗീതുവിന്റെ പ്രായം അഞ്ചു വയസാണ്. ഒട്ടേറെ ആരാധകരുള്ള ഗായത്രി എന്ന ഗീതു മലയാള സിനിമയിലെ മുൻനിര നായകന്മാർക്കൊപ്പമെല്ലാം തിളങ്ങിനിൽക്കുന്നതിന്റെ ഇടയിൽ ആയിരുന്നു രാജീവുമായുള്ള വിവാഹം.

മലയാളത്തിൽ മാത്രമല്ല, തമിഴ്, തെലുങ്ക്, കന്നഡ സിനിമകളിലും തന്റേതായ ഇടം നേടിയ ഗീതു ഇന്ന് അറിയപ്പെടുന്ന സംവിധായക ആണ്. ടോക്സിക്ക് ആണ് താരത്തിന്റെ ഏറ്റവും പുത്തൻ ചിത്രം. യാഷ് ആണ് നായകൻ. മൂത്തോൻ സിനിമക്ക് ശേഷം ഗീതു സംവിധാനം ചെയ്യുന്ന ചിത്രമാണ് ടോക്സിക്ക്.

ALSO READ:പിരീഡ്‌സ് മാറിയപ്പോൾ തന്നെ മനസിലായി! ആ ടു ലൈൻ കണ്ടപ്പോൾ തന്നെ ഷോക്കും; ആദ്യമാസങ്ങൾ വിഷമിച്ചു; ഇപ്പോൾ നോർമൽ

ഒന്നുമുതൽ പൂജ്യം വരിയിൽ തുടങ്ങിയ ഗീതു 2009 ൽ എത്തിയ നമ്മൾ തമ്മിൽ എന്ന ചിത്രത്തിലാണ് ഏറ്റവും ഒടുവിൽ അഭിനയിച്ചത്. പിന്നീട് കാമറയ്ക്ക് പിന്നിൽ നിൽക്കാൻ ആണ് ഗീതു ആഗ്രഹിച്ചതും ഇഷ്ടപ്പെട്ടതും. ഇതിനിടയിലാണ് ഗീതുവിന്റെ വിവാഹം.

പതിനാറുവര്ഷം മുൻപേ ആണ് ഗീതുവിന്റെയും രാജീവിന്റെ വിവാഹം. ശേഷത്തില്‍ അഭിനയിക്കുന്നതിനിടയിലായിരുന്നു രാജീവ് രവിയെ കണ്ടുമുട്ടിയത്. പിന്നീട് ഗീതുവിന്റെ എഴുത്തുകളെ ഏറെ പ്രോത്സാഹിപ്പിച്ച രാജീവ് ഗീതുവിന്റെ ജീവിത പങ്കാളിയും ആയി .

ഏകമകൾ ആണ് ഇവർക്ക് ആരാധന. സോഷ്യൽ മീഡിയയിൽ സജീവമായ ഗീതു ഇടക്ക് "ക്യാമറയെ വെറുക്കുന്ന ഒരു കൊച്ചു രാജകുമാരിയെ ഞങ്ങൾക്ക് ലഭിച്ചു! എന്ന ക്യാപ്‌ഷനിൽ പങ്കുവച്ച ഒരു ചിത്രം ഏറെ ശ്രദ്ധ പിടിച്ചു പറ്റിയിരുന്നു . മകളുടെ സ്വകാര്യത മുൻനിര്ത്തിയാകണം ആരാധനയുടെ ചിത്രങ്ങൾ വല്ലപ്പോഴും മാത്രമാണ് ഗീതു പങ്കിടുക.

വളരെ ചെറിയ പ്രായത്തിൽ തന്നെ ആരാധന നൃത്തം അഭ്യസിക്കുന്നുണ്ട്. അബ്ബാദ് റാം മോഹന്റെ കീഴിലാണ് നൃത്തം അഭ്യസിക്കുന്നത്.

ALSO READ: മാറ്റുരയ്ക്കാൻ കുഞ്ഞാറ്റയും വിസ്മയയും! പല ഉന്നതന്മാരുടെയും ആലോചനകൾ വന്നു! വിവാഹം വേണ്ടെന്ന തീരുമാനം മായയുടേത്

വിദ്യാർത്ഥി രാഷ്ട്രീയത്തിൽ സജീവമായിരുന്ന ആളാണ് രാജീവ് രവി . കൊച്ചിയിലെ മഹാരാജാസ് കോളേജിൽ എസ്‌എഫ്‌ഐയുടെ പ്രസിഡന്റായിരുന്നു അദ്ദേഹം. സ്‌കൂൾ കാലഘട്ടം മുതൽക്കേ ഗീതു സ്കൂളിലെ വലിയ താരമായിരുന്നു മലേഷ്യയിലും കാനഡയിലും ഒക്കെ ആയിട്ടാണ് ഗീതു വിദ്യാഭ്യാസം പൂർത്തിയാക്കിയത്.

മലയാളത്തിനുപുറമെ ബോളിവുഡിലും രാജീവ് തന്റെ സാന്നിധ്യം അറിയിച്ചിട്ടുണ്ട്. ചാന്ദിനി ബാര്‍, ദേവ് ഡി തുടങ്ങിയ ചിത്രങ്ങളുടെ ക്യമാറാമാന്‍ രാജീവ് ആയിരുന്നു. മാത്രമല്ല ഗീതു സംവിധാനം ചെയ്ത കേള്‍ക്കുന്നുണ്ടോ എന്ന ചിത്രത്തിന്റെ ക്യമറാമാനും രാജീവായിരുന്നു.