സഞ്ജു ജയത്തോടെ തുടങ്ങി; രാജസ്ഥാന്‍ റോയല്‍സിന് രാജകീയ വിജയം, പഞ്ചാബിന് ആദ്യ തോല്‍വി

Authored byനിഷാദ് അമീന്‍ | Samayam Malayalam | Updated: 5 Apr 2025, 11:58 pm

Samayam Malayalamജയ്‌സ്വാള്‍, സഞ്ജു സാംസണ്‍ എന്നിവരുടെ ബാറ്റിങ്

ഐപിഎല്‍ 2025 (IPL 2025) സീസണില്‍ ക്യാപ്റ്റന്‍സിയില്‍ സഞ്ജു സാംസണിന് (Sanju Samson) വിജയത്തുടക്കം. രാജസ്ഥാന്‍ റോയല്‍സിന്റെ (Rajasthan Royals) ആദ്യ മൂന്ന് മാച്ചുകളില്‍ നായകസ്ഥാനം നഷ്ടമായ സഞ്ജു ആം ബാന്‍ഡ് അണിഞ്ഞ നാലാം അങ്കത്തില്‍ പഞ്ചാബ് കിങ്‌സിനെ (Punjab Kings) 50 റണ്‍സിനാണ് മുട്ടുകുത്തിച്ചത്. റോയല്‍സിന്റെ തുടര്‍ച്ചയായ രണ്ടാം ജയമാണിത്.കളിച്ച രണ്ട് മല്‍സരങ്ങളും വിജയിച്ച് രണ്ടാം സ്ഥാനത്ത് നിന്നിരുന്ന ശ്രേയസ് അയ്യരുടെ പഞ്ചാബ് കിങ്‌സിന് സീസണിലെ ആദ്യ തിരിച്ചടിയാണിത്. റോയല്‍സ് ഉയര്‍ത്തിയ 206 റണ്‍സ് വിജയലക്ഷ്യം പിന്തുടര്‍ന്ന പഞ്ചാബിന് ഒമ്പത് വിക്കറ്റിന് 155 റണ്‍സെടുക്കാനേ കഴിഞ്ഞുള്ളൂ.


ആദ്യ ഓവറില്‍ തന്നെ പഞ്ചാബിന് ഇരട്ട പ്രഹരമേല്‍പ്പിച്ച് പേസര്‍ ജോഫ്ര ആര്‍ച്ചര്‍ റോയല്‍സിന് വ്യക്തമായ മേല്‍ക്കൈ സമ്മാനിച്ചു. പ്രിയാന്‍ഷ് ആര്യ ഇന്നിങ്‌സിലെ ആദ്യ പന്തില്‍ തന്നെ ക്ലീന്‍ ബൗള്‍ഡ്. ഓവറിലെ അവസാന പന്തില്‍ ശ്രേയസ് അയ്യരും ജോഫ്ര ആര്‍ച്ചറുടെ പന്തില്‍ ബൗള്‍ഡായി. മികച്ച ഫോമിലുള്ള ശ്രേയസ് രണ്ട് ബൗണ്ടറികള്‍ നേടി നന്നായി തുടങ്ങിയെങ്കിലും അഞ്ച് പന്തില്‍ 10 റണ്‍സുമായി മടങ്ങി.

https://www.instagram.com/reel/DIEjPMyPx6b/https://www.instagram.com/reel/DIEjPMyPx6b/
മാര്‍ക്കസ് സ്റ്റോയിനിസ് ഒരു റണ്‍സിന് പുറത്തായതോടെ പഞ്ചാബ് പതറി. പ്രഭ്‌സിംറാന്‍ സിങ് 16 പന്തില്‍ 17 റണ്‍സോടെ കളമൊഴിഞ്ഞു. തുടര്‍ന്ന് നെഹല്‍ വധേരയും ഗ്ലെന്‍ മാക്‌സ്‌വെലും ക്രീസില്‍ ഒരുമിച്ചതോടെ പഞ്ചാബിന്റെ പ്രതീക്ഷകള്‍ക്ക് ജീവന്‍ വയ്ക്കാന്‍ തുടങ്ങി.

സഞ്ജു പൊളിച്ചു, തകര്‍ത്തടിച്ച് ജയ്‌സ്വാളും; രാജസ്ഥാന്‍ റോയല്‍സിന് 205 റണ്‍സിന്റെ മികച്ച സ്‌കോര്‍
21 പന്തില്‍ 30 റണ്‍സെടുത്ത മാക്‌സ്‌വെലിനെ പുറത്താക്കി മഹീഷ് തീക്ഷണ റോയല്‍സിന് ബ്രേക് ത്രൂ നല്‍കി. റണ്‍റേറ്റ് ഉയര്‍ത്താനുള്ള ശ്രമത്തിനിടെ നെഹല്‍ വധേരയും കീഴടങ്ങി. 41 പന്തില്‍ മൂന്ന് സിക്‌സറുകളും നാല് ബൗണ്ടറികളും സഹിതം 62 റണ്‍സെടുത്ത് വധേര ടോപ് സ്‌കോററായി. ഈ ഘട്ടത്തില്‍ 15.1 ഓവറില്‍ ആറിന് 131 എന്ന നിലയിലായിരുന്നു പഞ്ചാബ്. വാലറ്റനിരയെ വേഗത്തില്‍ ചരുട്ടിക്കെട്ടി റോയല്‍സ് രാജകീയ വിജയം സ്വന്തമാക്കുകയും ചെയ്തു.

ഹാട്രിക് ജയം; ഐപിഎല്ലില്‍ ഡല്‍ഹി ക്യാപിറ്റല്‍സ് ഒന്നാമത്; സിഎസ്‌കെയ്ക്ക് മൂന്നാം തോല്‍വി
നാല് ഓവറില്‍ 25 റണ്‍സിന് മൂന്ന് വിക്കറ്റ് വീഴ്ത്തിയ ജോഫ്ര ആര്‍ച്ചര്‍ ആണ് പ്ലെയര്‍ ഓഫ് ദി മാച്ച്. സന്ദീപ് ശര്‍മ, മഹീഷ തീക്ഷണ എന്നിവര്‍ രണ്ട് വിക്കറ്റ് വീതം വീഴ്ത്തി.

ബാറ്റിങിന് അയക്കപ്പെട്ട റോയല്‍സിന് വേണ്ടി യശസ്വി ജയ്‌സ്വാളും സഞ്ജു സാംസണും മികച്ച തുടക്കമാണ് കുറിച്ചത്. ജയസ്വാള്‍ 45 പന്തില്‍ 67ഉം സഞ്ജു 26 പന്തില്‍ 38ഉം റണ്‍സ് നേടി. റിയാന്‍ പരാഗ് (25 പന്തില്‍ 43) പുറത്താവാതെ നിന്നു.