5 months ago
5
Authored by: നിഷാദ് അമീന്|Samayam Malayalam•14 Aug 2025, 7:06 pm
Sanju Samson: സഞ്ജു സാംസണിനെ കൈമാറുന്നതിന് രാജസ്ഥാന് റോയല്സും (Rajasthan Royals) ചെന്നൈ സൂപ്പര് കിങ്സും (Chennai Super Kings) തമ്മിലുള്ള ട്രേഡിങ് നടക്കാന് സാധ്യതയില്ലെന്ന് സിഎസ്കെ സ്പിന്നര് ആര് അശ്വിന്. സഞ്ജുവിന് പകരമായി റോയല്സ് ആവശ്യപ്പെടുന്നത് സിഎസ്കെ ക്യാപ്റ്റന് റുതുരാജ് ഗെയ്കവാദ്, രവീന്ദ്ര ജഡേജ, ശിവം ദുബെ എന്നിവരില് ഒരാളെയാണ്.
സഞ്ജു സിഎസ്കെയില് എത്തില്ലെന്ന് ആര് അശ്വിന്(ഫോട്ടോസ്- Agencies)അടുത്ത സീസണിന് മുമ്പ് റോയല്സ് വിടാനുള്ള ആഗ്രഹം സഞ്ജു ഫ്രാഞ്ചൈസി അധികൃതരെ ഔദ്യോഗികമായി അറിയിച്ചുവെന്ന റിപോര്ട്ടുകള്ക്ക് പിന്നാലെയാണ് ട്രാന്സ്ഫര് സംബന്ധിച്ച വാര്ത്തകള് പ്രചരിച്ചത്. ഇതിന് വളരെ മുമ്പ് തന്നെ സഞ്ജു 2026 സീസണില് റോയല്സില് തുടരില്ലെന്ന സൂചനകള് പുറത്തുവന്നിരുന്നു.
ഗിൽ മടങ്ങി വരുമ്പോൾ സഞ്ജുവിൻ്റെ കളി മാറും; ഇനി കാണാൻ കഴിയുക പുതിയ റോളിൽ
രാജസ്ഥാന് റോയല്സില് നിന്ന് സഞ്ജുവിനെ വാങ്ങുന്നതിന് സിഎസ്കെയ്ക്ക് താല്പര്യം ഉണ്ടെങ്കിലും അത് നടക്കാന് പോവുന്നില്ലെന്ന് തന്റെ യൂട്യൂബ് ചാനലിലാണ് അശ്വിന് വിശദീകരിച്ചത്. 2026 ഐപിഎല് സീസണിന് മുമ്പ് രാജസ്ഥാന് റോയല്സ്-സിഎസ്കെ പ്ലെയര് ട്രേഡിങ് സാധ്യമാവില്ലെന്ന് വിശ്വസിക്കുന്ന അശ്വിന് അതിനുള്ള കാരണങ്ങളും നിരത്തി.
സഞ്ജുവിന് പകരമായി രാജസ്ഥാന് റോയല്സ് ആവശ്യപ്പെടുന്നത് സിഎസ്കെ ക്യാപ്റ്റന് റുതുരാജ് ഗെയ്കവാദ്, രവീന്ദ്ര ജഡേജ, ശിവം ദുബെ എന്നീ താരങ്ങളില് ഒരാളെയാണ്. ഇവരില് ആരെയും വിട്ടുനല്കാന് സിഎസ്കെ സന്നദ്ധമല്ലെന്നും സ്വന്തം കളിക്കാരെ കൈമാറ്റം ചെയ്യുന്നത് സിഎസ്കെയുടെ തത്വങ്ങള്ക്ക് വിരുദ്ധമാണെന്നും അശ്വിന് ചൂണ്ടിക്കാട്ടി.
2025 വനിതാ ലോകകപ്പിന് വേദിയാവാന് തിരുവനന്തപുരം; ഗ്രീന്ഫീല്ഡ് സ്റ്റേഡിയത്തിലെ കെസിഎല് മല്സരങ്ങള് മാറ്റിയേക്കുംസഞ്ജുവിനെ വിട്ടുനല്കി ഈ താരങ്ങളില് വാങ്ങുന്നതിലൂടെ രാജസ്ഥാന് വലിയ നേട്ടമൊന്നുമില്ലെന്നും അശ്വിന് അഭിപ്രായപ്പെട്ടു. 'സിഎസ്കെ പൊതുവെ പ്ലെയര് ട്രേഡിങില് വിശ്വസിക്കുന്നില്ല. രവീന്ദ്ര ജഡേജയെയോ ശിവം ദുബെയെയോ പോലുള്ള കളിക്കാരെ അവര് വിട്ടുകൊടുക്കാന് പോകുന്നില്ല. അതിനാല്, ഞാന് വിശദീകരിച്ച കാരണങ്ങളാല്, സഞ്ജു സിഎസ്കെയിലേക്ക് എത്തുമെന്ന് തോന്നുന്നില്ല. ഇത്തരത്തിലുള്ള ട്രേഡില് നിന്ന് ആര്ആറിന് വലിയ നേട്ടമൊന്നുമില്ല'- അശ്വിന് പറഞ്ഞു.
വിരമിക്കാനായിട്ടില്ല, രോഹിത് ശര്മ കളി തുടരും; അടുത്ത വലിയ നീക്കത്തിനായി ഇന്ത്യന് നായകന്റെ ചുവടുവയ്പ്കൊല്ക്കത്ത നൈറ്റ് റൈഡേഴ്സിലൂടെ ഐപിഎല് കരിയര് ആരംഭിച്ച സഞ്ജുവിന് ഇപ്പോള് ആര്ആര് 18 കോടി രൂപയാണ് പ്രതിഫലം നല്കുന്നത്. 2012ല് കെകെആറില് ചേര്ന്ന സഞ്ജുവിന് ഒരു മല്സരങ്ങളിലും കളത്തിലിറങ്ങാതെ 2013ല് ലേലത്തിലൂടെ ആര്ആറിലെത്തി. 2015 വരെ അവിടെ തുടര്ന്നു.
ആറ്ആറിന് രണ്ട് വര്ഷത്തെ വിലക്ക് നേരിട്ടതോടെ 2016, 2017 സീസണുകളില് സഞ്ജു ഡല്ഹി ഡെയര്ഡെവിള്സിന് കളിച്ചു. 2018ല് ആര്ആറില് തിരിച്ചെത്തിയ സഞ്ജു 2021ല് അവരുടെ ക്യാപ്റ്റനായി. ഇപ്പോഴും ഈ സ്ഥാനത്ത് തുടരുന്നു. നിരവധി സീസണുകളായി സാംസണ് ആര്ആറിന്റെ അവിഭാജ്യ ഘടകമാണ്. 12 വര്ഷം റോയല്സിനൊപ്പം ചെലവഴിച്ച സഞ്ജു 2026ല് അവര്ക്കൊപ്പം ഉണ്ടാവുമോയെന്ന് കണ്ടറിയണം.
അതേസമയം, അശ്വിന്റെ സിഎസ്കെ ഭാവി ഇപ്പോള് അനിശ്ചിതത്വത്തിലാണ്. 2025 ലെ മെഗാ ലേലത്തില് 9.75 കോടി രൂപയ്ക്ക് സിഎസ്കെയില് എത്തിയ അദ്ദേഹം സീസണില് ഒമ്പത് മല്സരങ്ങളാണ് കളിച്ചത്. സിഎസ്കെയും അശ്വിനും വേര്പിരിയുകയാണെന്ന് ഏതനും ദിവസം മുമ്പ് റിപോര്ട്ടുകള് വന്നിരുന്നു.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·