സഞ്ജുവിന്റെ U-19 ബാച്ച്മേറ്റ് പുറത്ത്; 10.75 കോടി രൂപയ്ക്ക് വാങ്ങിയ താരം ആര്‍സിബിക്കെതിരെ കളിക്കാനില്ല

Authored byനിഷാദ് അമീന്‍ | Samayam Malayalam | Updated: 2 Apr 2025, 9:00 pm

Samayam Malayalamകഗിസോ റബാദ

ഐപിഎല്‍ 2025ലെ റോയല്‍ ചലഞ്ചേഴ്സ് ബംഗളൂരുവിനെതിരെതിരായ (ആര്‍സിബി) ബ്ലോക്ക്ബസ്റ്റര്‍ പോരാട്ടത്തില്‍ (IPL 2025 RCB vs GT) ഗുജറാത്ത് ടൈറ്റന്‍സ് (ജിടി) പേസര്‍ കഗിസോ റബാദ (Kagiso Rabada) കളിക്കാനില്ല. വ്യക്തിപരമായ കാരണങ്ങളാലാണ് റബാദ വിട്ടുനില്‍ക്കുന്നതെന്ന് ഗുജറാത്ത് ടൈറ്റന്‍സ് ക്യാപ്റ്റന്‍ ശുഭ്മാന്‍ ഗില്‍ വിശദീകരിച്ചു. അര്‍ഷാദ് ഖാനെ (Arshad Khan) പകരക്കാരനായി തിരഞ്ഞെടുത്തു.ദക്ഷിണാഫ്രിക്കന്‍ ഇന്റര്‍നാഷണല്‍ താരത്തെ 10.75 കോടി രൂപയ്ക്കാണ് 2025 ഐപിഎല്‍ മെഗാ ലേലത്തില്‍ ഗുജറാത്ത് ടൈറ്റന്‍സ് വാങ്ങിയത്. സഞ്ജു സാംസണിന്റെ അണ്ടര്‍-19 ബാച്ച്മേറ്റ് ആണ് കഗിസോ റബാദ. ഐപിഎല്‍ 2025ല്‍ രണ്ട് മാച്ചുകളില്‍ നിന്ന് രണ്ട് വിക്കറ്റുകളാണ് റബാദയ്ക്ക് ലഭിച്ചത്.



ബെംഗളൂരു ചിന്നസ്വാമി സ്റ്റേഡിയത്തില്‍ ടോസ് നേടിയ ഗുജറാത്ത് ആദ്യം ബൗള്‍ ചെയ്യുകയാണ്. തുടര്‍ച്ചയായ രണ്ടാം വിജയം ലക്ഷ്യമിട്ടാണ് സന്ദര്‍ശകരുടെ നീക്കം. മികച്ച പിച്ചാണ് ഇതെന്ന് തോന്നുന്നുവെന്നും ടീമില്‍ വലിയ മാറ്റങ്ങളൊന്നുമില്ലെന്നും ടോസ് നേടിയ ശേഷം ഗില്‍ പറഞ്ഞു. രണ്ട് വിദേശ കളിക്കാരെ മാത്രമേ ജിടി ഫീല്‍ഡില്‍ ഇറക്കിയിട്ടുള്ളൂ. ഷെര്‍ഫെയ്ന്‍ റൂഥര്‍ഫോര്‍ഡോ ഗ്ലെന്‍ ഫിലിപ്‌സോ ഇംപാക്ട് സബ് ആയി കളിക്കുമെന്ന് പ്രതീക്ഷിക്കുന്നു.

സഞ്ജു സാംസണിന് കീപ്പര്‍ ഗൗസ് അണിയാന്‍ സിഒഇ അനുമതി; രാജസ്ഥാന്‍ റോയല്‍സിന്റെ ക്യാപ്റ്റന്‍സി വീണ്ടും ഏറ്റെടുക്കും
പുതിയൊരു പ്രതലമായതിനാല്‍ ടോസ് ലഭിച്ചാല്‍ ആദ്യം ബൗള്‍ ചെയ്യുമായിരുന്നുവെന്ന് ആര്‍സിബി ക്യാപ്റ്റന്‍ രജത് പാട്ടീദാര്‍ പറഞ്ഞു. ഹോം ടീമിന്റെ മല്‍സരം കാണാന്‍ ഒഴുകിയെത്തിയ വന്‍ ജനക്കൂട്ടത്തിന് അദ്ദേഹം നന്ദി പറഞ്ഞു. ടീമിന് അവിശ്വസനീയമായ സ്‌നേഹവും പിന്തുണയുമാണ് എപ്പോഴും ലഭിക്കുന്നതെന്നും അദ്ദേഹം കൂട്ടിച്ചേര്‍ത്തു.

വ്യക്തിപരമായ കാരണങ്ങളാല്‍ റബാദയെ ടീമില്‍ നിന്ന് ഒഴിവാക്കിയെങ്കിലും മറ്റൊരു പേസറായ ജെറാള്‍ഡ് കോട്സിയെ കളിപ്പിക്കാതെ അര്‍ഷാദിനെ ഉള്‍പ്പെടുത്തുകയായിരുന്നു. റബാദയുടെ അഭാവം വലിയ തിരിച്ചടിയാണെങ്കിലും മത്സരത്തിന്റെ രണ്ടാം ഓവറില്‍ ഏഴ് റണ്‍സ് മാത്രം നേടിയ വിരാട് കോഹ്ലിയെ (Virat Kohli) പുറത്താക്കി അര്‍ഷാദ് തന്റെ സെലക്ഷനെ ന്യായീകരിച്ചു.

കപ്പില്ലാത്തവർ ആദ്യ മൂന്ന് സ്ഥാനങ്ങളിൽ, ഇത്തവണ വമ്പൻ ട്വിസ്റ്റ് നടക്കും? പ്രതീക്ഷയിൽ ഈ ടീമുകളുടെ ആരാധകർ
ദേവ്ദത്ത് പടിക്കലിനെയും ഫിലിപ് സാള്‍ട്ടിനെയും മുഹമ്മദ് സിറാജ് ക്ലീന്‍ ബൗള്‍ഡാക്കി. ദേവ്ദത്ത് പടിക്കല്‍ മൂന്ന് പന്തില്‍ നാല് റണ്‍സും സാള്‍ട്ട് 13 പന്തില്‍ 14 റണ്‍സുമാണ് നേടിയത്. രജത് പാട്ടീദാറിനെ (12 പന്തില്‍ 12) ഇഷാന്ത് ശര്‍മ ക്ലീന്‍ ബൗള്‍ഡാക്കിയതോടെ ജിടി 6.2 ഓവറില്‍ 4ന് 42 എന്ന നിലയിലാണ്.

ആര്‍സിബി പ്ലെയിങ് ഇലവന്‍: ഫില്‍ സാള്‍ട്ട്, വിരാട് കോഹ്‌ലി, ദേവദത്ത് പടിക്കല്‍, രജത് പാട്ടിദാര്‍ (സി), ലിയാം ലിവിങ്സ്റ്റണ്‍, ടിം ഡേവിഡ്, ജിതേഷ് ശര്‍മ (ഡബ്ല്യുകെ), ക്രുനാല്‍ പാണ്ഡ്യ, ഭുവനേശ്വര്‍ കുമാര്‍, ജോഷ് ഹേസല്‍വുഡ്, യാഷ് ദയാല്‍.

ജിടി പ്ലെയിങ് ഇലവന്‍: ശുഭ്മാന്‍ ഗില്‍ (സി), സായ് സുദര്‍ശന്‍, ജോസ് ബട്ട്ലര്‍ (ഡബ്ല്യുകെ), ഷെര്‍ഫാന്‍ റൂഥര്‍ഫോര്‍ഡ്, ഷാരൂഖ് ഖാന്‍, രാഹുല്‍ ടെവാതിയ, റാഷിദ് ഖാന്‍, സായ് കിഷോര്‍, അര്‍ഷാദ് ഖാന്‍, മുഹമ്മദ് സിറാജ്, പ്രസിദ് കൃഷ്ണ, ഇഷാന്ത് ശര്‍മ.