സൈനിക സേവനം പൂർത്തിയാക്കി വന്നാൽ ഉടൻ സോങ് കാങ് ചെയ്യാൻ പോകുന്ന പ്രൊജക്ട്? ഫോർ ഹാന്റ്സിനെ കുറിച്ച് നിങ്ങൾക്ക് അറിയേണ്ടതെല്ലാം!

Authored by: അശ്വിനി പി|Samayam Malayalam•30 Jun 2025, 2:57 pm

ലവ് അലാം, സ്വീറ്റ് ഹോം, മൈ ഡെമൺ, നാവില്ലേറ തുടങ്ങിയ ഹിറ്റ് ഡ്രാമകളിലെ മികച്ച പ്രകടനങ്ങളിലൂടെ ഈ തലമുറയിലെ ഏറ്റവും ശ്രദ്ധേയരായ കെ ഡ്രാമ നടന്മാരിൽ ഒരാളാമ് സോങ് കാങ് . 2024 ഏപ്രിൽ 2 നാണ് നിർബന്ധിത സൈനിക സേവനത്തിൻരെ ഭാഗമായി നടന്‌ അഭിനയത്തിൽ നിന്നും ബ്രേക്ക് എടുത്തത്. സൈനിക സേവനം പൂർത്തിയാക്കി തിരിച്ചെത്തിയാൽ ഉടൻ സോങ് കാങ് ചെയ്യാൻ പോകുന്ന കെ- ഡ്രാമയെ കുറിച്ചുള്ള ചർച്ചകളാണ് ഇപ്പോൾ നടക്കുന്നത്.

2025 ഒക്ടോബർ 1 ന് സൈനിക സേവനം പൂർത്തിയാക്കി സോങ് കാങ് തിരിച്ചെത്തും. തിരിച്ചെത്തിയാൽ ഉടൻ ചെയ്യുന്നത് ഫോർ ഹാന്റ്സ് എന്ന ഡ്രാമയായിരിക്കും എന്നാണ് നിലവിലെ വിവരം. സൈനിക കാമ്പിൽ ആയിക്കുമ്പോൾ തന്നെ സോങ് കാങിന്റെ തിരിച്ചുവരവിനെ കുറിച്ചുള്ള ചർച്ചകൾ സജീവമായിരുന്നു. നിരവധി അവസരങ്ങളും ഈ ഒരു വർഷത്തിനുള്ളിൽ നടന് ലഭിച്ചിരുന്നതായും റിപ്പോർട്ടുകളുണ്ട്. അതിൽ ഏറ്റവും ആദ്യം തിരഞ്ഞെടുത്ത ഡ്രാമയെ കുറിച്ചുള്ള വിവരങ്ങലാണ് ഇപ്പോൾ പുറത്തുവരുന്നത്.

Also Read: എല്ലാവരുടെയും മുന്നിൽ വച്ചുള്ള ആ ചുംബനം, ആരാണ് ആ പെൺകുട്ടി? ടെയ്ലർ റസ്സലുമായി വേർപിരിഞ്ഞതിന് ശേഷം ഹാരി സ്റ്റൈൽസിന് പുതിയ ബന്ധം!

SPOTV ന്യൂസ് റിപ്പോർട്ട് ചെയ്തതനുസരിച്ച്, സോങ് കാങ് "ഫോർ ഹാൻഡ്‌സ്" എന്ന പുതിയ പരമ്പരയിൽ മുഖ്യ വേഷം ചെയ്യ്തുകൊണ്ടായിരിക്കും തിരിച്ചുവരുന്നത്. ഒരു ആർട്സ് ഹൈസ്കൂളിലെ യുവ സംഗീതജ്ഞരുടെ യാത്രയാണ് ഈ പരമ്പരയിൽ പറയുന്നത്. ഒരു പിയാനോയിൽ രണ്ട് പേർ ഒരുമിച്ച് വായിക്കുന്ന ക്ലാസിക്കൽ പിയാനോ ടെക്നിക്കിൽ നിന്നാണ് ഈ പേരിന് പ്രചോദനം ഉൾക്കൊണ്ടിരിക്കുന്നത്.

കഥാപാത്രങ്ങളുടെ കൗമാരവും യൗവനവും തമ്മിലുള്ള ബന്ധം ചിത്രീകരിക്കുന്ന ഈ കഥ, സൗഹൃദം, ആദ്യ പ്രണയം, വൈരാഗ്യം, കലാപരമായ അഭിലാഷം എന്നിവയെല്ലാം ഒരുമിച്ച് ചേർത്താണ് മുന്നോട്ട് പോകുന്നത്. തീവ്രമായ പരിശീലനത്തിലൂടെയും വ്യക്തിപരമായ വെല്ലുവിളികളിലൂടെയും കഥാപാത്രങ്ങൾ കടന്നുപോകുമ്പോൾ, സംഗീതത്തോടുള്ള അഭിനിവേശം അവരുടെ വ്യക്തിത്വത്തെയും ബന്ധങ്ങളെയും കാലക്രമേണ എങ്ങനെ രൂപപ്പെടുത്തുന്നു എന്നൊക്കെയാണ് ഫോർ ഹാന്റ്സ് എന്ന ഡ്രാമ.


ശാന്തമായ സ്വഭാവത്തിനുള്ളിൽ സങ്കീർണ്ണമായൊരു ലോകം ഒളിപ്പിക്കുന്ന ഒരു പിയാനോ പ്രതിഭയുടെ വേഷത്തിലായിരിക്കും സോങ് കാങ് എത്തുക. മൂർച്ചയുള്ളതും ആകർഷണീയവുമായ കഥാപാത്രം, കൂടുതൽ സൂക്ഷ്മവും വൈകാരികമായി സമ്പന്നവുമായ പ്രകടനം കാഴ്ചവയ്ക്കാൻ നടന് അവസരം ലഭിച്ചേക്കും. ഇടവേളയ്ക്ക് ശേഷമുള്ള തിരിച്ചുവരവിൽ ഈ വേഷം വളരെ അനിയോജ്യമാണെന്നാണ് വിലയിരുത്തലുകൾ. സൈനിക സേവനം ഒരു വ്യക്തിക്ക് നൽകുന്ന പക്വതയും അനുഭവസമ്പത്തും അദ്ദേഹത്തിന്റെ കഥാപാത്രങ്ങൾക്ക് കൂടുതൽ ആഴം നൽകുമെന്നാണ് പ്രതീക്ഷ.